​មី​យ៉ាន់​ម៉ា៖ ក្រសួងការបរទេស​មី​យ៉ាន់​ម៉ា​បាន​និយាយ​កាលពី​ថ្ងៃ​ចន្ទ ទី​៩ សីហា​ថា ​ផែន​ការដែល​ត្រូវ​បាន​ចោទប្រកាន់​នៅ​ទីក្រុង​ញូវយ៉ក ​ប្រឆាំង​នឹង​ឯកអគ្គរដ្ឋទូត​អង្គការសហប្រជាជាតិ​ លោក Kyaw Moe Tun ដែល​ជា​គូប្រជែង​របស់​របប​សឹក​កំពុង​កាន់​អំណាច​ មិន​មាន​អ្វី​ពាក់ព័ន្ធ​នឹង​ប្រទេស​នេះ​ទេ និង​ជា​ករណី​ក្នុងស្រុក​របស់​អាមេរិក​។ ​នេះ​គឺជា​សេចក្ដីថ្លែងការណ៍​ដំបូង​របស់​រដ្ឋាភិបាល​យោធា​ ចាប់​តាំង​ពី​ការ​ចាប់​ខ្លួន​ពលរដ្ឋ​មី​យ៉ាន់​ម៉ា​ ២​នាក់​ពាក់ព័ន្ធ​នឹង​ការចោទប្រកាន់​នេះ​។​

​របប​សឹក​បាន​ច្រានចោល​ការ​អត្ថាធិប្បាយ ​ដែល​ត្រូវ​បាន​ថ្កោលទោស​ដោយ​ឯកអគ្គរដ្ឋទូត​អាមេរិក​ប្រចាំ​នៅ​អង្គការសហប្រជាជាតិ​ លោកស្រី Linda Thomas-Greenfield​។​ សេចក្ដីថ្លែងការណ៍​នេះ​បាន​អាន​នៅ​លើ​កញ្ចក់​ទូរទស្សន៍​រដ្ឋ MRTV ថា ព្រឹត្តិការណ៍​នេះ​គឺជា​សំណុំរឿង​ក្នុងស្រុក​មួយ​នៅ​សហរដ្ឋអាមេរិក​។ ការ​ជំនុំជម្រះ​ត្រូវតែ​ធ្វើឡើង​នៅ​សហរដ្ឋអាមេរិក ​យោង​តាម​ច្បាប់​របស់​សហ​រដ្ឋ​អាមេរិក​។ ​សារព័ត៌មាន Reuters មិន​អាច​ទាក់ទង​អ្នកនាំពាក្យ​របប​សឹក ​ដើម្បី​សុំ​ប្រតិកម្ម​បន្ថែម​ចំពោះ​ផែនការ​ដែល​បាន​ចោទប្រកាន់​នោះ​ទេ​។​

​សហរដ្ឋអាមេរិក​កាលពី​ថ្ងៃ​សៅរ៍ ទី​៧ ខែ​សីហា បាន​ថ្កោលទោស​ចំពោះ​ផែនការ​អវិជ្ជមាន ក្នុង​បំណង​វាយប្រហារ​ឯកអគ្គរដ្ឋទូត​មី​យ៉ាន់​ម៉ា ​ប្រចាំ​នៅ​អង្គការសហប្រជាជាតិ​នៅ​ទីក្រុង​ញូវយ៉ក ដោយ​និយាយ​ថា វា​ជា​គំរូ​មិនល្អ​មួយ​សម្រាប់​មេដឹកនាំ និង​អ្នកគាំទ្រ​ដែល​មានបំណង​ប្រឆាំង​នៅ​ជុំវិញ​ពិភពលោក​។​ ក្រុម​អាជ្ញាធរ​សហរដ្ឋអាមេរិក​បាន​និយាយ​កាលពី​ថ្ងៃ​សុក្រ​ថា ​ពលរដ្ឋ​មី​យ៉ាន់​ម៉ា​ ២​នាក់​ត្រូវ​បាន​ចាប់ខ្លួន​នៅ​រដ្ឋ​ញូវយ៉ក ​ពី​បទ​រៀបចំ​គម្រោង​ជួញដូរ​អាវុធ​នៅ​ប្រទេស​ថៃ ដែល​លក់​អាវុធ​ទៅ​ឱ្យ​យោធា​មី​យ៉ាន់​ម៉ាដើម្បី​សម្លាប់ ឬ​ធ្វើ​ឱ្យ​របួស​ឯកអគ្គរដ្ឋទូត​មី​យ៉ាន់​ម៉ា​ប្រចាំ​នៅ​អង្គការ​សហប្រជាជាតិ​៕

អត្ថបទ៖ សុខមាន