នៅថ្ងៃអង្គារនេះ ចិនបានចោទប្រកាន់ហ្វីលីពីនថាបង្ករឿងឥតឈប់ឈរ និងធ្វើមានជម្លោះកាន់តែខ្លាំងនៅសមុទ្រចិនខាងត្បូង ក្រោយឧបទ្ទេវហេតុជាមួយកងទ័ពជើងទឹកហ្វីលីពីននៅតំបន់ថ្មប៉ប្រះទឹក Second Thomas ។

អ្នកស្រី Mao Ning គឺជាអ្នកនាំពាក្យក្រសួងការបរទេសចិន និយាយនៅថ្ងៃអង្គារនេះថា ហ្វីលីពីនគឺជាភាគីបំពានឥតឈប់ឈរ ចេះតែបង្ករឿង និងធ្វើឲ្យមានជម្លោះកាន់តែខ្លាំង ។

អ្នកស្រីបន្តថា ពួកយើងសូមធ្វើការជំទាស់ទាំងស្រុងចំពោះភាគីពាក់ព័ន្ធដែលបង្កបញ្ហាបែបនេះ ។

សារព័ត៌មានរដ្ឋចិន រាយការណ៍ថា ទាហានហ្វីលីពីននៅលើនាវាចម្បាំងជាប់កឿងនៅថ្មប៉ប្រះទឹក បានភ្ជុងកាំភ្លើងឆ្មាំល្បាតឆ្នេរចិន ។

ក្រុមមន្រ្តីយោធាហ្វីលីពីន បានប្រែសម្តី ដោយនិយាយថា ទាហានរបស់ពួកគេ ពុំបានភ្ជុងកាំភ្លើងនោះទេ ហើយពួកគេបានធ្វើសកម្មភាពប្រកបដោយវិជ្ជាជីវៈ ៕