ប្រទេសជប៉ុន នៅថ្ងៃពុធ (ទី៥ ខែមករា) នេះ បានអបអរសាទរសម្ព័ន្ធមិត្តដែលកំពុងកាន់អំណាចរបស់នាយករដ្ឋមន្រ្តី លោក Narendra Modi ជុំវិញជ័យម្នះដែលពួកគេទទួលបាននៅក្នុងការបោះឆ្នោតសកលរបស់ប្រទេសឥណ្ឌា ដោយហៅប្រទេសនេះថា ជា «ដៃគូដ៏សំខាន់»។

អ្នកនាំពាក្យរដ្ឋាភិបាលកំពូល លោក Yoshimasa Hayashi បានប្រាប់អ្នកសារព័ត៌មានថា៖ «យើងសូមអបអរសាទរក្រុមចម្រុះដែលកំពុងកាន់អំណាចដឹកនាំដោយនាយករដ្ឋមន្ត្រី លោក Modi ចំពោះការប្រកាសជ័យជម្នះរបស់ពួកគេ»។ អ្នកនាំពាក្យរូបនេះបានបញ្ជាក់បន្ថែមថា៖ «ឥណ្ឌាគឺជាដៃគូដ៏សំខាន់ ក្នុងការសម្រេចបាននូវតំបន់ឥណ្ឌូ-ប៉ាស៊ីហ្វិកសេរី និងបើកចំហ ហើយយើងនឹងបន្តពង្រឹងទំនាក់ទំនងជប៉ុន-ឥណ្ឌាឲ្យកាន់តែរឹងមាំថែមទៀត»។

សូមបញ្ជាក់ថា អ្នកវិភាគ និងការស្ទង់មតិពីកន្លែងបោះឆ្នោត បានបង្ហាញថា ជ័យជម្នះដ៏លើសលប់ នឹងធ្លាក់ទៅលើលោក Modi ប៉ុន្តែគណបក្សជាតិនិយមហិណ្ឌូរបស់លោក បានបាត់បង់សំឡេងភាគច្រើននៅក្នុងសភាជាលើកដំបូង ក្នុងរយៈពេល ១ទសវត្សរ៍។

លោក Modi ដែលធ្លាប់ជាបុគ្គលមិននៅក្នុងក្រុម ត្រូវបានបញ្ចុះបញ្ចូលដោយសហរដ្ឋអាមេរិក និងបណ្តាប្រទេសអឺរ៉ុប ដោយចាត់ទុកជាប្រទេសមានលទ្ធភាពទប់ទល់ជាមួយប្រទេសចិន បើទោះបីជាមានការព្រមានពីសកម្មជនសិទ្ធិមនុស្ស អំពីការកើនឡើងនៃរបបផ្តាច់ការក៏ដោយ។ ជប៉ុន និងឥណ្ឌា គឺជាផ្នែកមួយនៃក្រុម ដែលហៅថា «Quad» ដែលរួមមានសហរដ្ឋអាមេរិក និងអូស្ត្រាលីផងដែរ៕