បន្ទាប់ពីកងកម្លាំងអ៊ីស្រាអែល បានដកចេញពីមន្ទីរពេទ្យ al-Shifa ដ៏ធំរបស់ទីក្រុងហ្កាហ្សា កាលពីថ្ងៃទី ១ ខែមេសា បន្ទាប់ពីការវាយឆ្មក់ជាលើកទី២របស់ពួកគេនៅទីនោះ ប្រជាជនប៉ាឡេស្ទីនដែលបានចោមរោមនៅលើគំនរបាក់បែកដែលឆេះអស់ជាច្រើន បាននិយាយថា វាបានបណ្តាលឲ្យមនុស្សស្លាប់យ៉ាងច្រើន។

ក្នុងអំឡុងសង្គ្រាម ៨ខែកន្លងមកនេះ មន្ទីរពេទ្យ បានទទួលរងការវាយប្រហារម្តងហើយម្តងទៀត ដោយអ៊ីស្រាអែលអះអាងថា មន្ទីរពេទ្យនេះ ត្រូវបានប្រើជាមូលដ្ឋានដោយក្រុមហាម៉ាស ជាអ្វីមួយដែលក្រុមនេះ   បដិសេធ។

ប៉ុន្តែព្រឹត្តិការណ៍នៅ al-Shifa ដែលធ្លាប់ជាកន្លែងព្យាបាលដ៏ធំបំផុត និងបំពាក់ដោយបរិក្ខារល្អបំផុត នៅតំបន់ ហ្កាហ្សាស្ទ្រីប ត្រូវបានគេសន្មតថា ជារឿងដ៏គួរឲ្យភ្ញាក់ផ្អើលបំផុត។

ការវាយឆ្មក់ដ៏គួរឲ្យភ្ញាក់ផ្អើលរយៈពេលពីរសប្តាហ៍នេះ បានចាប់ផ្តើម បន្ទាប់ពីអ៊ីស្រាអែល បាននិយាយថា ក្រុមហាម៉ាស បានប្រមូលផ្តុំឡើងវិញ នៅទីតាំងនោះ ត្រូវបានពិពណ៌នាដោយរដ្ឋាភិបាលអ៊ីស្រាអែលថា«ច្បាស់លាស់ និងត្រឹមត្រូវណាស់»។