ប្រទេសហ្វាំងឡង់ គឺជាប្រទេសអឺរ៉ុបភាគខាងជើងចុងក្រោយបង្អស់ ដែលពង្រឹងការការពារឆ្នេរសមុទ្ររបស់ខ្លួនជាមួយនឹងគម្រោងទិញយកប្រព័ន្ធកាំភ្លើងធំដោយខ្លួនឯងចំនួន ១២ ដើម្បីការពារដែនទឹករបស់ប្រទេស នៅក្នុងសមុទ្របាល់ទិក។

បញ្ជាការភ័ស្តុភារហ្វាំងឡង់ ដែលគ្រប់គ្រងការទិញគ្រឿងយុទ្ធោបករណ៍ បានប្រកាសដេញថ្លៃទិញប្រព័ន្ធកាំភ្លើងធំរហូតដល់ ២០គ្រឿង ដែលផ្អែកលើមូលនិធិដែលមាន ដោយមិនបង្ហាញតម្លៃកិច្ចសន្យា។

គោលដៅនៃការទិញទាំងនេះ នឹងបង្កើតសមត្ថភាពកាំភ្លើងធំចល័តដែលមានបំណងការពារឆ្នេរសមុទ្រ ដើម្បីភ្ជាប់នាវានៅក្នុង ១ដែនទឹករបស់ហ្វាំងឡង់ នៅតំបន់ជាប់ដី រួមទាំងប្រជុំកោះ និងកងកម្លាំងអរិភាពនៅលើដី»។ នេះបើយោងតាមឯកសារដែលបានចេញផ្សាយថ្មីៗនេះ។

យោងទៅតាមមូលដ្ឋានទិន្នន័យផែនការលំហសមុទ្ររបស់គណៈកម្មការអឺរ៉ុប សមុទ្រទឹកដីនៃប្រទេសហ្វាំងឡង់ គ្របដណ្តប់លើផ្ទៃដី ៥៤.១៣០គីឡូម៉ែត្រក្រឡា។ 

តម្រូវការដែលបានរាយបញ្ជីសម្រាប់ប្រព័ន្ធកាំភ្លើងធំ អំពាវនាវឲ្យពួកគេមានកម្រិតខ្ពស់នៃការចល័ត ដើម្បីអនុញ្ញាតឲ្យមានការដាក់ពង្រាយ នៅជុវិញ ឆ្នេរសមុទ្រហ្វាំងឡង់ និងដើម្បីឲ្យគ្រាប់រំសេវត្រូវគ្នាជាមួយនឹងអនុស្សរណៈនៃការយោគយល់គ្នាអំពីផលប៉ះពាល់ពីមីស៊ីលបាលិស្ទិករួមរបស់អង្គការណាតូ។