អស់រយៈពេលប៉ុន្មានសប្តាហ៍បន្ទាប់ពីការដាក់ទណ្ឌកម្មដោយសហរដ្ឋអាមេរិក លោក Yinon Levi បានតស៊ូក្នុងការចំណាយផ្សេងៗ ដោយរស់នៅកន្លែងទីលំនៅការកសិកម្មរបស់ខ្លួននៅលើភ្នំមួយ នៅតំបន់វេសបែង ។ ប៉ុន្តែបញ្ហាអ្នកតាំងលំនៅរបស់អ៊ីស្រាអែល មិនមានរយៈពេលយូរឡើយ។

នៅពេលដែលធនាគារបង្កកគណនីរបស់លោក សហគមន៍របស់លោក បានរៃអង្គាសប្រាក់រាប់ពាន់ដុល្លារសម្រាប់គាត់ ហើយរដ្ឋមន្ត្រីហិរញ្ញវត្ថុរបស់អ៊ីស្រាអែល បានប្តេជ្ញាថា នឹងធ្វើអន្តរាគមន៍ជំនួសអ្នកតាំងលំនៅដែលត្រូវបានដាក់ទណ្ឌកម្ម។ ពីរខែបន្ទាប់ពីការដាក់ទណ្ឌកម្ម ត្រូវបានចេញ លោក Levi ត្រូវបានផ្តល់សិទ្ធិចូលប្រើប្រាស់ប្រាក់របស់ខ្លួន។

លោក Levi អាយុ ៣១ឆ្នាំ បានប្រាប់សារព័ត៌មាន APពីកសិដ្ឋានរបស់ខ្លួននៅតំបន់ South Hebron Hills ដែលជាកន្លែងតាំងទីលំនៅដែលគ្មានការអនុញ្ញាតរាប់សិបកន្លែង ដែលស្ថិតនៅក្នុងតំបន់វេសបែង។

លោក Levi ស្ថិតក្នុងចំណោមអ្នកតាំងលំនៅជនជាតិអ៊ីស្រាអែល ១៣នាក់ ក៏ដូចជាកន្លែងតាំងទីលំនៅ ដែលជាប់ពាក់ព័ន្ធចំនួន ២ និងក្រុមចំនួន ៤ ដែលជាគោលដៅដោយទណ្ឌកម្មអន្តរជាតិជុំវិញការចោទប្រកាន់ពីការវាយប្រហារ និងការយាយីប្រឆាំងនឹងប្រជាជនប៉ាឡេស្ទីន នៅតំបន់វេសបែង។ វិធានការនេះ មានន័យថា ជាការរារាំង ហើយពួកគេ បានបង្ហាញដល់អ្នកដែលរងទណ្ឌកម្មអំពីការបង្កកទ្រព្យសម្បត្តិ និងហាមឃាត់ការធ្វើដំណើរ និងទិដ្ឋាការជាដើម។

ក្រុមសិទ្ធិមនុស្សក្នុងស្រុក និងពលរដ្ឋអ៊ីស្រាអែលដែលរងទណ្ឌកម្ម បាននិយាយទៅកាន់សារព័ត៌មាន APថា ប៉ុន្តែវិធានការនេះ មានផលប៉ះពាល់តិចតួច ជំនួសឲ្យការគាំទ្រអ្នកតាំងលំនៅ ខណៈដែលការវាយប្រហារ និងការរំលោភយកដី កាន់តែកើនឡើង។ នេះបើយោងតាមប្រជាជនប៉ាឡេស្ទីននៅវេសបែង។