ក្រុមភ្ញៀវទេសចរ នាំគ្នាសម្រុកទៅកម្សាន្តលេងជ្រោះមរណៈដ៏ល្បីល្បាញរបស់រដ្ឋ California អំឡុងរលកកម្តៅមុនរដូវក្តៅ ដែលបានកើតមានក្នុងតំបន់ភាគច្រើននៅភាគនិរតីសហរដ្ឋអាមេរិក ក្នុងសប្តាហ៍នេះ ។

 លោក Steve និងអ្នកស្រី Deb Qualters មកពីរដ្ឋ Massachusetts មានការភ្ញាក់ផ្អើលយ៉ាងខ្លាំងនិងអាំងតង់ស៊ីតេខ្ពស់នៅថ្ងៃនេះ ។

 អ្នកស្រី Deb និយាយថា ខ្ញុំនិយាយប្រាប់អ្នកថា ខ្ញុំពុំធ្លាប់ដែលឃើញសីតុណ្ហភាពខ្ពស់បែបនេះនោះទេ នៅតំបន់ភាគឦសាន ដូច្នេះហើយវាប្រៀបបាននឹងឡដុតនំអញ្ចឹង ។

 ក្រុមអ្នកព្យាករណ៍អាកាសធាតុ បានព្រមានពីរលកកម្តៅក្តៅហួសប្រមាណ កើតឡើងរយៈពេលជាង ២សប្តាហ៍ មុនរដូវក្តៅផ្លូវការ ដែលនឹងចាប់ផ្តើមនៅថ្ងៃទី ២០ ខែមិថុនាខាងមុខនេះ ។

 លោក Matt Lamar គឺជារុក្ខារក្សឧទ្យានជ្រលងភ្នំមរណៈ នឹងប្រឈមរដូវក្តៅក្តៅខ្លាំងរយៈពេលយូរមួយទៀត ។ លោកនិយាយថា អ្វីដែលពួកយើងពិតជាមើលឃើញរយៈពេល ២ឆ្នាំចុងក្រោយនេះ គឺប្រហែលជាក្តៅបន្តិចទេ ប៉ុន្តែច្បាស់ណាស់ថា វានឹងមិនចុះត្រជាក់នោះឡើយ ៕