ក្រុមអាជ្ញាធរម៉ាឡេស៊ី ចាប់ផ្តើមបង្ក្រាបការតាំងលំនៅខុសច្បាប់ទាំងក្នុង និងជុំវិញទីក្រុងកូឡាឡាំពួ ក្នុងគោលបំណងបញ្ឈប់ជនអន្តោប្រវេសន៍ខុសច្បាប់ពីការចូលរដ្ឋធានីមួយនេះ ។

ទោះបីជាយ៉ាងណាក៏ដោយ ក្រុមសិទ្ធិមនុស្ស បានលើកឡើងពីក្តីកង្វល់ចំពោះប្រតិបត្តិការបោសសម្អាតរបស់ពួកគេ ។

លោក Volker Turk គឺជាឧត្តមស្នងការសិទ្ធិមនុស្សអង្គការសហប្រជាជាតិ បាននិយាយថា ម៉ាឡេស៊ីដែលនឹងធ្វើជាម្ចាស់ផ្ទះកិច្ចប្រជុំកំពូលអាស៊ាននៅឆ្នាំក្រោយ អាចធ្វើរឿងល្អច្រើនជាងនេះ សម្រាប់សហគមន៍ជនភៀសខ្លួន ។

លោកថា តួនាទីរបស់ថ្នាក់ដឹកនាំម៉ាឡេស៊ី ជាប្រធានអាស៊ាននាពេលអនាគត គឺសំខាន់ខ្លាំងណាស់ ។

លោក Volker បញ្ជាក់ថា វានឹងសំខាន់សម្រាប់រដ្ឋាភិបាលម៉ាឡេស៊ី ក្នុងអនុវត្តន៍ប្រព័ន្ធការពារជនភៀសខ្លួនទូលំទូលាយ ពង្រឹងស្ថានការស្របច្បាប់សម្រាប់ជនភៀសខ្លួន និងជំរុញឲ្យពួកគេទទួលបានការងារធ្វើ ការអប់រំស្របច្បាប់ ការថែទាំសុខភាព និងសេវាកម្មចាំបាច់ដទៃទៀត ៕