នៅក្រៅវេទិការសេដ្ឋកិច្ចអន្តរជាតិ St. Petersburg 

នៅថ្ងៃព្រហស្បតិ៍នេះ ប្រធានាធិបតីរុស្ស៊ីលោក Vladimir Putin និងប្រធានាធិបតីបូលីវីលោក Luis Arce បានជួបគ្នា នៅក្រៅវេទិការសេដ្ឋកិច្ចអន្តរជាតិ St. Petersburg (SPIEF)។ 

លោក Putinត្រូវបានគេរំពឹងថា នឹងមានជំនួបទ្វេភាគីជាមួយអ្នកតំណាងជាច្រើនទៀតមកពីប្រទេសក្រៅ បានចូលរួមព្រឹត្តការណ៍ប្រចាំឆ្នាំមួយនេះ ដែលរៀបចំឡើងនៅក្នុងទីក្រុង St. Petersburg គឺជារដ្ឋធានីធំបំផុតទី ២របស់រុស្ស៊ី ។ 

ប្រធានាធិបតីរុស្ស៊ីរូបនេះ គ្រោងនឹងថ្លែងសុន្ទរថាអំឡុងសម័យប្រជុំពេញអង្គក្នុងវេទិកា SPIEF នាថ្ងៃសុក្រស្អែកនេះ ។ 

គួរឲ្យដឹងថា វេទិកា SPIEFដែលជាវេទិកាសេដ្ឋកិច្ចប្រចាំឆ្នាំធំបំផុតរបស់រុស្ស៊ី បានបើកដំណើរការកាលពីថ្ងៃពុធម្សិលមិញ ។ 

 យោងតាមការអះអាងរបស់អភិបាលតំបន់ Leningrad លោក Alexander Beglov បានឲ្យដឹងថា វេទិកានេះ នឹងមានរយៈពេលរហូតដល់ថ្ងៃទី ៨ ខែមិថុនា ដោយមានភ្ញៀវមកពីប្រទេសចំនួនជាង ១១០ប្រទេស ។