មន្ត្រីយោធាពីរនាក់ បានប្រាប់សារព័ត៌មាន AFP កាលពីថ្ងៃព្រហស្បតិ៍ថា យ៉ាងហោចណាស់ជនសកម្ម ប្រយុទ្ធចំនួន ១៨នាក់ ត្រូវបានសម្លាប់ នៅក្នុងការប្រយុទ្ធគ្នារវាងកងកម្លាំងរដ្ឋាភិបាលយេម៉ែន និងក្រុមឧទ្ទាមហ៊ួទី ដែលគាំទ្រដោយអ៊ីរ៉ង់នៅភាគនិរតីរបស់ប្រទេសនេះ។

លោក Mohammed al-Naqib អ្នកនាំពាក្យនៃក្រុមប្រឹក្សាអន្តរកាលនៅភាគខាងត្បូង ដែលជាក្រុមបំបែក ខ្លួនមានសម្ព័ន្ធភាពជាមួយរដ្ឋាភិបាល បាននិយាយថា ការប៉ះទង្គិចគ្នាកាលពីថ្ងៃពុធ ត្រូវបានបង្កឡើងដោយការវាយប្រហាររបស់ក្រុមហ៊ួទីលើតំបន់ជួរមុខមួយរវាងផ្នែកដែលគ្រប់គ្រងដោយរដ្ឋាភិបាលនៃអភិបាលខេត្ត Lahij និងផ្នែកនៃខេត្តTaez ដែលគ្រប់គ្រងដោយក្រុមហ៊ួទី។

ការវាយប្រហារនេះ បានកើតឡើង បើទោះបីជាមានការធូរស្រាលក្នុងការប្រយុទ្ធគ្នា ដែលបានធ្វើឡើងយ៉ាងទូលំទូលាយ ចាប់តាំងពីការផុតកំណត់នៃបទឈប់បាញ់រយៈពេល ៦ខែ ដែលសម្របសម្រួលដោយអង្គការសហប្រជាជាតិ ក្នុងខែមេសា ឆ្នាំ ២០២២។

លោក Naqib បានប្រាប់សារព័ត៌មាន AFP ថា រដ្ឋាភិបាលយេម៉ែន «បានទទួលជោគជ័យក្នុងការវាយប្រហារវាយប្រហារ ប៉ុន្តែទាហាន ៥នាក់ ត្រូវបានសម្លាប់ និងអ្នកផ្សេងទៀត រងរបួស»។

មន្ត្រីយោធាហ៊ួទីម្នាក់នៅទីក្រុង Taez បានប្រាប់សារព៏ត៌មាន AFP ថា ក្រុមឧទ្ទាម ១៣នាក់ រួមទាំងមេបញ្ជាការជាន់ខ្ពស់ម្នាក់ផងដែរ ត្រូវបានសម្លាប់ នៅក្នុងការប្រយុទ្ធគ្នានោះ។