ភ្នំពេញ ៖ ក្នុងកិច្ចសម្ភាសន៍ពិសេសជាមួយនឹងសារព័ត៌មានក្នុងស្រុកមួយកាលពីរសៀលថ្ងៃទី៧ ខែមិថុនា ឆ្នាំ២០២៤ សម្ដេចតេជោ ហ៊ុន សែន បានមានប្រសាសន៍ថា វានឹងក្លាយទៅជាកំហុសដ៏ធ្ងន់ធ្ងរ និងក្លា យទៅជាការប្រមាថមួយចំពោះនយោបាយការបរទេសរបស់កម្ពុជា ប្រសិនបើកម្ពុជាសម្រេចទៅចូលរួមកិច្ចប្រជុំកំពូល ដើម្បីសន្តិភាពនៅអ៊ុយក្រែន។………………………..

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាបានប្រកាសថា កម្ពុជានឹងមានកំហុសធ្ងន់ធ្ងរ ប្រសិនបើកម្ពុជាសម្រេចទៅចូលរួមកិច្ចប្រជុំកំពូល ដើម្បីស្វែងរកសន្តិភាពនៅអ៊ុយក្រែន(Global Peace Summit) ដែលគ្រោងធ្វើឡើងនៅប្រទេសស្វីសនាថ្ងៃទី១៥ និងទី១៦ ខែមិថុនា ឆ្នាំ២០២៤ ខាង មុខនេះ ដោយមិនមានវត្តមានភាគីសំខាន់ គឺរុស្ស៉ី។

សម្តេចតេជោបញ្ជាក់បន្ថែមថា ការមិនទៅចូលរួមកិច្ចប្រជុំកំពូលសន្តិភាពសកលរបស់កម្ពុជា គឺជាសិទ្ធិស្វ័យសម្រេចរបស់កម្ពុជាសុទ្ធសាធ។ កម្ពុជាមិនត្រូវបានចិនរារាំងមិនឱ្យចូលរួមនោះទេ ហើយចិនក៏មិ នធ្វើរឿងបែបនេះដាក់ចំពោះកម្ពុជានោះដែរ។

ក្នុងកិច្ចសម្ភាសនោះដែរ សម្តេចតេជោបានសង្កត់ធ្ងន់ថា អ្វីដែលជាការកត់សម្គាល់របស់កម្ពុជា និងចោទសួរថា តើលទ្ធផលនៃកិច្ចប្រជុំកំពូលនោះវានឹងទៅដល់ណា? បើសិនជាកិច្ចប្រជុំកំពូលនោះនៅត្រឹមតែថ្កោលទោសរុស្ស៉ី ដែលភាគីសំខាន់គឺរុស្ស៉ី មិនត្រូវបានគេអញ្ជើញឱ្យចូលរួមដោះស្រាយផង នោះ តើកម្ពុជាមានការចាំបាច់ដើម្បីចូលរួមធ្វើអ្វី ដែលវាគ្រាន់តែជាការបង្កើនអរិភាពបន្ថែមទៀតប៉ុ ណ្ណោះ៕

​ដោយ៖ គង់ ឌិន