ជាលើកដំបូងក្នុងរយៈពេលជាង ១ទសវត្សរ៍មកនេះ ពលរដ្ឋស៊ីរីរាប់ពាន់នាក់ មកពីតំបន់គ្រប់គ្រងដោយរដ្ឋាភិបាលប្រទេសមួយនេះ កំពុងធ្វើដំណើរត្រង់ទៅកាន់ប្រទេសអារ៉ាប៊ីសាអូឌីត ដើម្បីចូលរួមពិធីបុណ្យហាជិ ។

 វាគឺជាភារកិច្ចសាសនាមួយសម្រាប់ឲ្យជនម៉ូស្លីមទាំងអស់ ត្រូវតែធ្វើពិធីបុណ្យហាជិយ៉ាងហោចណាស់ម្តងក្នុង ១ឆាកជីវិតរបស់ពួកគេ បើសិនជាពួកគេមានលទ្ធភាព ។

 ស្របពេលដែលពលរដ្ឋស៊ីរីមួយចំនួនអាចចូលរួមពិធីបុណ្យហាជិ កាលពីឆ្នាំកន្លងទៅ តាមជើងហោះហើរមិនត្រង់ដោយមានការប្តូរយន្តហោះនោះ ការធ្វើដំណើរផ្លូវឆ្ងាយ បង្កការលំបាកខ្លាំងសម្រាប់មនុស្សចាស់ជាច្រើន ដូចជាលោកយាយអាយុ ៨៥ឆ្នាំ រស់នៅក្នុងទីក្រុងដាម៉ាស់ ។

 លោកយាយនិយាយថា លោកយាយពិតជាសប្បាយចិត្តខ្លាំងណាស់ ។ លោកយាយមិនអាចជឿទាល់តែសោះថា លោកយាយអាចចូលរួមពិធីបុណ្យហាជិបានបែបនេះ ។

 សូមបញ្ជាក់ថា ពលរដ្ឋស៊ីរីយ៉ាងហោច ៧ពាន់នាក់ បានធ្វើដំណើរតាមជើងហោះហើររួចទៅហើយទៅកាន់ទីក្រុង Mecca ចាប់តាំងពីជើងហោះហើរចាប់ផ្តើមបើកដំណើរការឡើងវិញ ៕