អំឡុងដំណើរទស្សនកិច្ចទៅកាន់សមាជិកសម្ព័ន្ធមិត្តថ្មីស៊ុយអែតនៅថ្ងៃសុក្រនេះ អគ្គលេខាធិការអង្គការណាតូលោក Jens Stoltenberg និយាយថា អ៊ុយក្រែនមានសិទ្ធិយោងតាមច្បាប់អន្តរជាតិ ដើម្បីវាយប្រហារគោលដៅយោធាស្របច្បាប់នៅក្នុងប្រទេសរុស្ស៊ី ដើម្បីការពារខ្លួនឯង ។

លោក Stoltenberg និយាយប្រាប់សន្និសីទសារព័ត៌មានជាមួយនាយករដ្ឋមន្រ្តីស៊ុយអែតលោក Ulf Kristersson នៅមូលដ្ឋានយោធា ជិតទីក្រុង Stockholm ថា អ៊ុយក្រែនមានសិទ្ធិការពារខ្លួនឯង ។

លោកថា សិទ្ធិការពារខ្លួនឯង រួមបញ្ចូលផងដែរសិទ្ធវាយប្រហារស្របច្បាប់លើគោលដៅយោធាក្នុងដែនដីរបស់ភាគីវាយប្រហារ ភាគីឈ្លានពាន ក្នុងករណីដូចជារុស្ស៊ី ។

វិមានក្រឹមឡាំង និយាយនៅក្នុងសប្តាហ៍នេះថា ប្រទេសលោកខាងលិចដែលផ្គត់ផ្គង់អាវុធដល់អ៊ុយក្រែន ដើម្បីវាយប្រហារទឹកដីរុស្ស៊ី នឹងត្រូវចាត់រុស្ស៊ីថាជាគូប្រជែង ក្រោយលោកប្រធានាធិបតី Vladimir Putin និយាយថា លោកនឹងពិចារណាលើការផ្តល់អាវុធដល់ប្រទេសសត្រូវរបស់លោកខាងលិច ជាការសងសឹកវិញ ៕