រដ្ឋមន្រ្ដីកាបរទេសទួរគី លោក ហាកាន់ ហ្វីដាន់ (Hakan Fidan) បាននិយាយកាលពីថ្ងៃសៅរ៍ថា ក្រុមប្រទេស D-8 ដែលជាក្រុមប្រទេសកំពុងអភិវឌ្ឍន៍ និងសហប្រតិបត្ដការសេដ្ឋកិច្ច នឹងប្រើប្រាស់​គ្រប់មធ្យោបាយទាំងអស់ដែលខ្លួនមាន ​ដើម្បីធានាឱ្យមានបទឈប់បាញ់ក្នុងតំបន់ហ្កាហ្សា ដើម្បីបញ្ជូន​ជំនួយមនុស្សធម៌​ទៅដល់អ្នកស្រុកហ្កាហ្សា ។

អង្គការ D-8 សម្រាប់កិច្ចសហប្រតិបត្ដិការសេដ្ឋកិច្ច ក្នុងនោះរួមមាន​ ប្រទេសបង់ក្លាដេស អេហ្ស៊ីប ឥណ្ឌូនេស៊ី អ៊ីរ៉ង់ ម៉ាឡេស៊ី នីហ្ស៊េរីយ៉ា ប៉ាគីស្ថាន និងទួរគី។

អំឡុងពេលសន្និសីទសារព័ត៌មាន ​បន្ទាប់ពីកិច្ចប្រជុំវិសាមញ្ញារបស់ក្រុមប្រឹក្សារដ្ឋមន្រ្ដីការបរទេសD-8 ក្នុងក្រុងអ៊ីស្ដង់ប៊ុល លោក ហ្វីដាន់ ក៏បាននិយាយផងដែរថា​ ក្រុមប្រទេស D-8 បានសម្រេចគាំទ្រ​នូវកិច្ចប្រឹងប្រែង​សម្របសម្រួល​របស់ប្រទេសកាតា​ និងប្រទេសអេហ្ស៊ីប។

ក្រុមប្រទេសទាំងនេះ ​ថែមទាំង ​អំពាវនាវឱ្យរដ្ឋប៉ាឡេស្ទីន ក្លាយជាសមាជិកពេញលេញរបស់​អង្គការសហប្រជាជាតិ៕