រុស្ស៊ីបាននិយាយកាលពីថ្ងៃសៅរ៍ថា ក្រុមទ័ពរបស់ខ្លួននៅភាគខាជើង បានបន្ដរុលចូលជ្រៅ ទៅក្នុង ខ្សែការពាររបស់អ៊ុយក្រែន ខណៈដែលអ៊ុយក្រែន បានអះអាងពីការវាយទប់ទៅនឹងការវាយប្រហារបស់រុស្ស៊ី នៅរយៈពេល២៤ម៉ោង កន្លងទៅនេះ ។

ក្រសួងការពារជាតិរុស្ស៊ី បានរាយការថា កងទ័ពរុស្ស៊ី បានវាយកំទេចទៅនឹងការវាយប្រហា ៦លើក ដែលធ្វើឡើងដោយកងទ័ពអ៊ុយក្រែន ហើយបានវាយប្រហារកងទ័ពអ៊ុយក្រែន នៅមុខព្រួញផ្សេងទៀត។ ដោយឡែក កងនាវាចររបស់រុស្ស៊ីប្រចាំនៅសមុទ្រខ្មៅ បានពន្លិចទូកគ្មានមនុស្សបើកជាច្រើនគ្រឿង របស់កងទ័ពអ៊ុយក្រែនទៀតផង។

ប្រព័ន្ធការពារដែនអាកាសរបស់រុស្ស៊ី ក៏បានបាញ់ទម្លាក់​ឧទ្ធម្ភាគចក្រ ធនM-8 មួយគ្រឿង និង យានដ្រូនUAVs ៧១គ្រឿង របស់អ៊ុយក្រែន ហើយនិងបានស្ទាក់ចាប់ កាំជ្រួច និងរ៉ូកែត ជាច្រើនគ្រាប់ ពីខាងអ៊ុយក្រែន។

នៅថ្ងៃជាមួយគ្នានេះ អគ្គសេនាធិការកងទ័ពអ៊ុយក្រែន បានរាយការណ៍ថា កងទ័ពអ៊ុយក្រែន បានពើបប្រយុទ្ធ ជាមួយកងទ័ពរុស្ស៊ី ៦៧លើក ពិសេស នៅតំបន់ កួរ៉ាខូវ និង ប្រូកូវ ។ ចំណែក នៅក្នុង តំបន់គូពីយ៉ាំង និងប្រូកូវវិញ កងទ័ពអ៊ុយក្រែនបានវាយទប់ និងបានរារាំង ការវាយប្រហាជាច្រើន ចេញពីខាងកងទ័ពរុស្ស៊ី។

ប្រធានាធិបតីរុស្ស៊ី លោក វ៉្លាឌីមៀ ពូទីន បាននិយាយកាលពីថ្ងៃសុក្រថា ការប្រើប្រាស់គ្រាប់បែកនុយក្លេអ៊ែ អាចជាជម្រើសតែមួយគត់ ក្នុងករណីពិសេស ហើយបានបន្ថែមថា លោក មិនជឿថា ករណីនេះអាចកើតឡើងបានទេ៕