ភ្នំពេញ៖ កាកបាទក្រហមកម្ពុជា បានផ្ដល់វគ្គបណ្តុះបណ្តាលមូលដ្ឋាន ស្តីពីប្រវត្តិចលនាអន្តរជាតិ ច្បាប់មនុស្សធម៌អន្តរជាតិ និងកាកបាទក្រហមកម្ពុជា ​ការគ្រប់គ្រងបណ្តាញយុវជនកាកបាទ​ក្រហមកម្ពុជា ​និងមូលដ្ឋានគ្រឹះនៃវិជ្ជាសង្គ្រោះបឋម ​ដល់យុវជនកាកបាទក្រហមកម្ពុជាថ្មីសរុបចំនួន ៩០នាក់(ស្រី ៥៣នាក់) ​នៃវិទ្យាស្ថានខ្មែរជំនាន់ថ្មី រយៈពេលពីរ ​ចាប់ថ្ងៃទី៨-៩ ខែមិថុនា ឆ្នាំ២០២៤នេះ ។

បន្ទាប់ពីបានការបណ្តុះបណ្តាល យុវជន​នៃវិទ្យាស្ថានខ្មែរជំនាន់ថ្មី ​ទទួលបានចំណេះដឹងថ្មីបន្ថែម មួយចំនួនដូចជា៖

១.ប្រវត្តិចលនាអន្ដរជាតិ ច្បាប់មនុស្សធម៌អន្ដរជាតិ និងកាកបាទក្រហមកម្ពុជា

២. ការគ្រប់គ្រងបណ្ដាញយុវជនកាកបាទក្រហមកម្ពុជា

៣.វិជ្ជាសង្គ្រោះបឋម និងសុវត្ថិភាពចរាចរណ៍

គួរបញ្ជាក់ផងដែរថា វគ្គបណ្តុះបណ្តាលនេះ មានការចូលរួម​សម្របសម្រួល​ពី​មន្រ្តីជំនាញ​នៃ​ទីស្នាក់ការកណ្តាលកាកបាទក្រហមកម្ពុជា​ និងទីប្រឹក្សាក្លឹបយុវជន ហើយ​សមាជិកយុវជនទាំងអស់ ចូលរួមស្ដាប់យ៉ាងយកចិត្តទុកដាក់ ព្រមទាំងអនុវត្តជាក់ស្ដែងផងដែរ៕