ឯកឧត្តមបណ្ឌិត សោម ពិសិដ្ឋ អភិបាលខេត្ដកែប តាមរយៈBTV ព័ត៌មាន នាថ្ងៃនេះ បាន​ជំរុញ​មន្ត្រី​ពាក់ព័ន្ធ និងប្រជាពលរដ្ឋ ចូលរួមចលនាគាំទ្រគម្រោងព្រែកជីក «ហ្វូណន តេជោ» ឲ្យទទួល​បាន​ជោគជ័យ។

ឯកឧត្តមអភិបាលខេត្ត បានបន្តថា នៅក្នុងខេត្តកែបនេះព្រែកជីក «ហ្វូណន តេជោ» បាន​ឆ្លង​កាត់​​ខ្លី​ជាង​ក្នុងចំណោមបណ្តាខេត្តទាំង៤ ដោយឆ្លងកាត់ឃុំ១ គឺឃុំអង្កោល ស្រុកដំណាក់ចង្អើរ និង​ភូមិចំនួន៣ គឺភូមិទួលស្រងាំ ភូមិអំពេង និងភូមិអង្កោល។ ប៉ុន្តែជាក់​ស្តែង​ក្រុម​ការងារ​បច្ចេក​ទេស កំពុងពិនិត្យមើលផលប៉ះពាល់ និងសិក្សាបន្តបន្ទាប់ទៀត។ ក្នុងដំណាក់កាលនេះ អាជ្ញាធរ​ពាក់ព័ន្ធ​គ្រប់​លំដាប់ថ្នាក់ ត្រូវតែជម្រុញពិនិត្យមើល ជាពិសេសបង្ការទប់ស្កាត់នូវការទិញ លក់ដូរ នូវ​អចលនទ្រព្យ ដែលប៉ះពាល់ដល់តម្រាយផ្លូវព្រែកជីក «ហ្វូណនតេជោ»។

ដូច្នេះឯកឧត្តមបណ្ឌិត សោម ពិសិដ្ឋ អភិបាលខេត្តកែប មានជំនឿលើការដឹកនាំ និង​ពុះពារ​របស់​រាជ​រដ្ឋាភិបាល ដែលមានសម្តេចមហាបវរធិបតី ហ៊ុន ណែត នាយករដ្ឋមន្ត្រី ​នៃ​ព្រះរាជា​ណា​ចក្រ​កម្ពុជា និងក្នុងនាមអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្ត និង​អនុវត្ត​បញ្ជា​យ៉ាង​ម៉ឹងម៉ាត់ ក្នុងការការពារ និងជម្រុញ គាំទ្រ និងសម្របសម្រួល ធ្វើយ៉ាងម៉េច​ឲ្យ​គម្រោង​ប្រព្រឹត្ត​ទៅ​ដោយរលូន និងទទួលបានជោគជ័យ៕ អត្ថបទ រដ្ឋា