Tiffy Army បង្ហាញ​ខ្សែប្រយុទ្ធ​ថ្មី Chan-young HA ផ្ទេរ​មកពី​ក្លិប​អាល្លឺម៉ង់ FC 08 Homburg

Tiffy Army បង្ហាញខ្សែប្រយុទ្ធថ្មី Chan-young HA ផ្ទេរមកពីក្លិបអាល្លឺម៉ង់ FC 08 Homburg

បាល់ទាត់៖ សមាគមកីឡាបាល់ទាត់កងយោធពលខេមរភូមិន្ទ (Tiffy Army) បានបង្ហាញខ្សែកីឡាករបរទេសទី២ ដើម្បីត្រៀមជុំទី២ នៃលីគកំពូលកម្ពុជាផ្លូវការហើយគឺខ្សែយុទ្ធសញ្ជាតិកូរ៉េខាងត្បូង Chan-young HA ដែលផ្ទេរមកពីក្លិប FC 08 Homburg នៃប្រទេសអាល្លឺម៉ង់។

ខ្សែប្រយុទ្ធវ័យ ២០ឆ្នាំរូបនេះបានក្លាយជាកីឡាករបរទេសទី២ របស់ក្រុមកងយោធពលខេមរភូមិន្ទដែលបាននាំចូលសម្រាប់ត្រៀមជុំទី២ បន្ទាប់ពីខ្សែប្រយុទ្ធនីហ្សេរីយ៉ា Timothy Okereke។ ពួកគេទាំងពីរ ម្នាក់នឹងត្រូវជំនួសកីឡាករប្រេស៊ីល Cristiano Santos ដែលត្រូវបានក្លិបផ្ដាច់កុងត្រាមុនការកំណត់កាលពីថ្មីៗ។ ដោយឡែកម្នាក់ទៀតពុំទាន់ដឹងត្រូវជំនួសកូតាកីឡាករបរទេសរូបណានោះទេ រវាងកីឡាករបរទេស ៤រូបដែលក្រុមកងយោធពលខេមរភូមិន្ទកំពុងមានក្នុងដៃបច្ចុប្បន្ន ក្នុងនោះមានកីឡាករជប៉ុន ២រូបគឺកីឡាករ Yuta Kikuchi និង Rio Sakuma, កីឡាករប្រេស៊ីល Romario និងកីឡាករនីហ្សេរីយ៉ា Dzarma Bata។ លោក ខូវ ឆាយ អគ្គលេខាធិការក្លិបធ្លាប់បានបញ្ជាក់ថា វត្តមានរបស់សមាជិកថ្មីទាំង ២រូបនឹងត្រូវមានកីឡាករបរទេសម្នាក់ទៀតត្រូវចាកចេញបន្ទាប់ពី Cristiano Santos ប៉ុន្តែមិនទាន់សម្រេចថា កីឡាកររូបណានោះទេ ដ្បិតក្លិបត្រូវចាំមើលទម្រង់លេងពួកគេ សម្រាប់ការប្រកួតសេសសល់ក្នុងជុំទី១ នាពេលខាងមុខសិន។

ក្រឡេកមកចាប់អារម្មណ៍ប្រវត្តិរបស់សមាជិកថ្មីដែលក្រុម Tiffy Army ទើបនាំចូលវិញ Chan-young HA បានចាប់ផ្ដើមហ្វឹកហាត់បាល់ទាត់ដំបូង ជាមួយថ្នាលយុវជនក្លិប Delft Youth Footbal Club នៅប្រទេសហូឡង់ក្នុងឆ្នាំ២០០៨-២០០៩។ បន្ទាប់មកឆ្នាំ២០១០-២០១១ គេបានផ្ទេរមកហ្វឹកហាត់ជាមួយក្រុមយុវជនថ្នាលក្លិប KSH Youth Footbal Club នៅប្រទេសអារ៉ាប់ប៊ីសាអ៊ូឌីតវិញ។ រហូតដល់ឆ្នាំ២០១៤ កីឡាករកម្ពស់ ១.៨១ម៉ែត្ររូបនេះត្រឡប់ទៅហ្វឹកហាត់នៅប្រទេសកំណើត ដូចជាក្រុមយុវជនថ្នាលក្លិប Daejeon Citizen FC និងចូលរួមការប្រកួតមួយចំនួន មុនវិវត្តន៍ខ្លួនក្លាយជាកីឡាករអាជីពដោយផ្ដើមដំបូងពីក្លិប Osan U18 នៅកូរ៉េខាងត្បូង មុនផ្ទេរទៅក្លិប MFK Tatran Liptovsky Mikulas នៅប្រទេសស្លូវ៉ាគីកាលពីឆ្នាំ២០២០ និងចុងក្រោយរូបគេបានលេងឲ្យក្លិប FC 08 Homburg នៅប្រទេសអាល្លឺម៉ង់មុនធ្វើដំណើរមកដល់កម្ពុជា ដោយចូលរួមជាមួយក្រុមកងយោធពលខេមរភូមិន្ទពេលនេះ៕

អត្ថបទ៖ លី ឈុនឡា

អត្ថបទដែលទាក់ទង

MLS បើកការស៊ើបអង្កេតលើ Inter Miami ជុំវិញការចោទប្រកាន់ថាបានទាក់ទង Casemiro ដោយមិនគោរពបទប្បញ្ញត្តិ

Hun Sen Cup៖ ឧត្តរមានជ័យ ស្មើបន្ទាយមានជ័យ ខណៈខេត្តកណ្ដាល រកបាន ៣ពិន្ទុពេញពីជំនួបបើកឆាកពូលB

អត្តពលិកកីឡារាំទៅចូលរួមប្រកួតជើងឯកអាស៊ី-អាស៊ាន នៅម៉ាឡេស៊ី ខណៈប្រធានសហព័ន្ធជឿជាក់នាំ មេដាយជូនជាតិ

បណ្ដាញសង្គម

ព័ត៌មានចុងក្រោយ

សម្តេចកិត្តិសង្គហបណ្ឌិត ម៉ែន សំអន ចាត់ទុកវិនិយោគិនគឺជា «ដៃគូអភិវឌ្ឍន៍ដែលមិនអាចខ្វះបាន» ខណៈដែលក្រុមហ៊ុនចិនធំៗចំនួន ៦០ សម្លឹងឃើញពីសក្តានុពល និងឱកាសវិនិយោគនៅកម្ពុជា

អ្នករាយការណ៍ពិសេសសម្តែងនូវការបារម្ភចំពោះស្ថាននភាពសិទ្ធិមនុស្សដោយសារជម្លោះព្រំដែន

ប្រមុខការទូតកម្ពុជា និងអាម៉េរិក ជួបពិភាក្សាការងារទ្វេភាគី ដើម្បីជំរុញភាពជាដៃគូប្រទេសទាំងពីរឱ្យកាន់តែរីកចម្រើនថែមទៀត

ទីក្រុងតូក្យូរាយការណ៍ពីការចូលមន្ទីរពេទ្យទាក់ទងនឹងកម្ដៅច្រើនបំផុត តាំងពីឆ្នាំ២០១០ ដោយមានអ្នកស្លាប់ម្នាក់

អ៊ីរ៉ង់ព្រមានកងទ័ពអាមេរិកកុំឱ្យអនុវត្តបញ្ជា «ខុសច្បាប់យ៉ាងជាក់ស្ដែង»

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

Tiffy Army បង្ហាញខ្សែប្រយុទ្ធថ្មី Chan-young HA ផ្ទេរមកពីក្លិបអាល្លឺម៉ង់ FC 08 Homburg