រដ្ឋលេខាធិការរបស់ប្រទេសប្រធានាធិបតី និងជាគណៈរដ្ឋមន្ត្រី ខូលីន ហ្សាំបា (Colleen Zamba) បានប្រកាសនៅក្នុងសេចក្តីថ្លែងការណ៍មួយ។ យន្តហោះរបស់កងកម្លាំងការពារប្រទេសម៉ាឡាវីដែលដឹកអនុប្រធានាធិបតីរបស់ប្រទេសគឺលោក សូឡូស ឈីលីម៉ា (Saulos Chilima) និងមនុស្ស៩នាក់ផ្សេងទៀតបានបាត់ចេញពីរ៉ាដា ខណៈ​ការ​ស្វែង​រកនៅ​តែបន្តកាលពីថ្ងៃចន្ទសប្ដាហ៍នេះ។ 

លោក ហ្សាំបា បាននិយាយថា យន្តហោះនេះបាន​បរាជ័យ​ក្នុង​ការ​ចុះ​ចត​តាម​កាល​វិភាគ​របស់​ខ្លួន​នៅ​ឯអាកាសយានដ្ឋាន ហ្ស៊ូហ្ស៊ូ (Mzuzu) ភាគខាងជើងនៃប្រទេសនេះ នៅម៉ោង ១០និង២ នាទី​ព្រឹក ម៉ោងក្នុងស្រុកកាលពីថ្ងៃចន្ទ។ 

លោកបានសរសេរថា កិច្ចខិតខំប្រឹងប្រែង​ទាំងអស់​របស់​អាជ្ញាធរ​អាកាសចរណ៍​ក្នុង​ការ​ទាក់ទង​ជាមួយ​យន្ត​ហោះនោះបានបរាជ័យមកទល់ពេលនេះ ចាប់តាំងពីបានបាត់ចេញពីប្រព័ន្ធពីរ៉ាដា។

ចាប់​តាំង​ពីពេលនោះមក លោក ប្រធានាធិបតីម៉ាឡាវី ឡាហ្សារ៉ាស់ចាកវ៉េរ៉ា(Lazarus Chakwera) បានបញ្ជាឱ្យភ្នាក់ងារក្នុងតំបន់ និងថ្នាក់ជាតិទាំងអស់ ធ្វើប្រតិបត្តិការស្វែងរក និងជួយ​សង្គ្រោះជាបន្ទាន់ ដើម្បីកំណត់ទីតាំងយន្តហោះនោះ។

កងកម្លាំងការពារ​ប្រទេសម៉ាឡាវី និងអង្គភាពនគរបាលម៉ាឡាវី រួមជាមួយនឹងភ្នាក់ងារ​សន្តិសុខ​ផ្សេង​ទៀត​ កំពុងស្ថិតនៅក្នុងព្រៃ ជីកានហ្កាវ៉ា (Chikangawa) ជាយក្រុង ហ្ស៊ូហ្ស៊ូ Mzuzu ជាទី​ដែល​យន្ត​ហោះត្រូវបានគេសង្ស័យថាបានបាត់នោះទីនោះ។

អនុប្រធានាធិបតីរូបនេះ បានធ្វើដំណើរទៅចូលរួម​ពិធី​បុណ្យ​សព​របស់​អតីត​រដ្ឋមន្ត្រី​ក្រសួង​យុត្តិធម៌ របស់ប្រទេសនេះ ដែលត្រូវបាន​ប្រទះ​ឃើញ​ស្លាប់​នៅ​ក្នុង​បន្ទ​ប់មួយ​នៅ​ឯ​ផ្ទះ​សំណាក់​មួយ​ក្នុ​ងរដ្ឋធានីលីឡុងវ៉េ (Lilongwe) កាលពីថ្ងៃសុក្រសប្ដាហ៍មុន៕