ក្នុងទីងងឹត សកម្មជនអាថ៌កំបាំងមួយក្រុម​ក្នុងប្រទេសកូរ៉េខាងត្បូង​បានបញ្ចេញ​បាឡុង​ឯកទេស​ដោយ​ស្ងាត់ៗ ដែលនីមួយៗបានបំពាក់ដោយខិត្តប័ណ្ណ កញ្ចប់ឧបករណ៍បំពងសំឡេង និង​ពេល​ខ្លះ​ឧបករណ៍តាមដាន GPS ដែលពួកគេបានផលិតឡើងតាំងពីឆ្នាំ ២០១៦មក។

គោល​បំណងរបស់ពួកគេ គឺដើម្បីបញ្ជូនបាឡុងទៅដល់ដល់ទីក្រុងព្យុងយ៉ាង តែមាន​មួយ​បាន​ហោះរ​សាត់​ទៅដល់ប្រទេសចិន ។ខិត្តប័ណ្ណរាប់ពាន់សន្លឹក និងសារដែលបានថតទុក រិះគន់​មេ​ដឹកនាំ​កូរ៉េខាងជើងលោក គីម ជុងអ៊ុន(Kim Jong Un)។ 

ឧបករណ៍បំពងសំឡេងផលិតក្នុងស្រុកមួយ បានស្ដីបន្ទោសថា លោក គីម ជុងអ៊ុន ជាជន​ក្បត់​ដែល​ប្រឆាំង​ប្រជាជន និងការបង្រួបបង្រួមជាតិ។

យុទ្ធសាស្ត្របាឡុង​បាន​ទាក់ទាញចំណាប់អារម្មណ៍នៅក្នុងទំនាក់​ទំនង​ដ៏​ត្រជាក់​រវាង​កូរ៉េទាំង​ពីរ​ចាប់​តាំង​ពីខែមុន នៅពេលកូរ៉េខាង​ជើង​បាន​បញ្ជូន​បាឡុងរាប់រយ​គ្រឿង​របស់​ខ្លួន​ទៅ​ភាគ​ខាង​ត្បូង ដែលភាគច្រើនផ្ទុកទៅដោយសំរាម និងលាមកសត្វ ជាអ្វីដែលប្រទេសមាន​នុយ​ក្លេអ៊ែរ​មួយ​នេះ ហៅថាជា អំណោយដល់ប្រជាជនកូរ៉េខាងត្បូង។

ក្រុមសកម្មជនដែលមានមូលដ្ឋាននៅទីក្រុងសេអ៊ូលនិយាយថា អ្វីដែលគេហៅថា បាឡុងឆ្លាតវៃ ដែល​អាចមានតម្លៃដល់ទៅ១.០០០ ដុល្លារក្នុងមួយគ្រឿង និងប្រើប្រាស់បច្ចេកវិទ្យាព្រីន3D ត្រូវ​បាន​ផ្ទុកពេញដោយសារធាតុអេលីយ៉ូម ឬអ៊ីដ្រូសែន ហើយមានសមត្ថភាពផ្ទុកទម្ងន់រហូតដល់ ៧,៥ គីឡូក្រាម ។ បាឡុងទាំងនោះបានភ្ជាប់ដោយខិត្តប័ណ្ណប្រហែល ១.៥០០ គ្រឿង ដែ​ល​ត្រៀម​រួច​ជាស្រេចដើម្បីបង្ហោះចេញក្នុងពេលតែមួយ។ ផែនការនេះគិតគូរអំពីផ្លូវហោះហើរ ខ្យល់ និង​លក្ខខណ្ឌអាកាសធាតុផ្សេងទៀត ។   

ប្រតិបត្តិការ​ក្រោមឈ្មោះថា គណៈកម្មាធិការសម្រាប់កំណែទម្រង់ និងការបើកចំហររបស់ Joson ក្រុមនេះ​មានសមាជិកស្នូលប្រហែល៣០ នាក់ ហើយត្រូវបាន​ផ្តល់​មូល​និធិ​ដោយ​ហិរញ្ញ​វត្ថុ​ផ្ទាល់​ខ្លួន​របស់​សមាជិក ក៏ដូចជាមានការបរិច្ចាគផងដែរ។ Joson គឺជាពាក្យមួយ​ទៀត​សម្រា​ប់​កូរ៉េ​ខាង​ជើង​៕