នគរបាលបារាំងនៅទូទាំងប្រទេស បានបាញ់ឧស្ម័នបង្ហូរទឹកភ្នែកទៅលើសកម្មជនដែលធ្វើការតវ៉ាប្រឆាំងនឹងការទទួលបានផលប្រយោជន៍យ៉ាងច្រើនរបស់គណបក្សស្តាំនិយម នៅក្នុងការបោះឆ្នោតសហភាពអឺរ៉ុប កាលពីចុងសប្តាហ៍។

គណបក្សប្រមូលផ្តុំជាតិរឹងរូសរបស់លោកស្រី ម៉ារីន ឡឺប៉ែន (Marine Le Pen) បានទទួលជ័យជម្នះយ៉ាងសន្ធឹកសន្ធាប់ កាលពីយប់ថ្ងៃអាទិត្យ ដោយទទួលបានសំឡេងគាំទ្រ ៣២ភាគរយ ក្នុងអំឡុងការបោះឆ្នោត ជាលើកទី១ហើយ ដែលទ្វីបនេះ បានបោះឆ្នោត ចាប់តាំងពីឆ្នាំ ២០១៩មក។

ទន្ទឹមនឹងនេះដែរ គណបក្ស Renaissance របស់លោក ម៉ាក្រុង (Macron )ទទួលបានសំឡេងគាំទ្រ ១៤,៦ ភាគរយ។ ជាការឆ្លើយតប ប្រធានាធិបតីបារាំង បានរំលាយសភាបារាំង សភាជាតិ ហើយបានអំពាវនាវឲ្យមានការបោះឆ្នោតមុនអាណត្តិ។

ការតវ៉ាដោយហិង្សា បានផ្ទុះឡើងនៅទូទាំងប្រទេសពេញមួយយប់ ហើយបានបន្តពេញមួយថ្ងៃ។

វីដេអូមួយដែលត្រូវបានថតនៅក្នុងទីក្រុង Strasbourg បានបង្ហាញនគរបាល បានគប់កំប៉ុងឧស្ម័នបង្ហូរទឹកភ្នែកទៅលើក្រុមអ្នកតវ៉ា។

រូបថតមួយទៀតថតនៅកណ្តាលទីក្រុង Bordeaux បានបង្ហាញមន្ត្រីបំពាក់ឧបករណ៍កុបកម្ម ដើរតាមដងផ្លូវតូចចង្អៀតមួយ ខណៈដែលបាញ់ឧស្ម័នបង្ហូរទឹកភ្នែក ទៅលើក្រុមបាតុករ។

ចំណែកនៅទីក្រុងប៉ារីស ក្រុមសកម្មជនត្រូវបានគេមើលឃើញថា បានប្រមូលផ្តុំគ្នា នៅក្នុងទីក្រុង Place de la République ដែលជាកន្លែងដាក់រូបសំណាកកម្ពស់ ៣១ហ្វីតរបស់លោកស្រី Marianne ដែលជារូបសំណាកតំណាងសាធារណៈរដ្ឋបារាំង។