​

នាយករដ្ឋមន្រ្តីថ្មីរបស់ប្រទេសហៃទីកាលពីថ្ងៃចន្ទ បានថ្កោលទោសការសម្លាប់មន្ត្រីនគរបាលបីនាក់ នៅពេលកំពុងល្បាតនៅមួយផ្នែកនៃរដ្ឋធានីដែលគ្រប់គ្រងដោយមេដឹកនាំក្រុមជនអន្ធពាល Jimmy Cherizier «Barbeque»។

នគរបាលនៅក្នុងប្រទេសការ៉ាអ៊ីបនេះ បាននិយាយថា បុរសប្រដាប់អាវុធមួយក្រុមដែលធ្វើការ នៅក្រោម លោក Cherizier បានវាយឆ្មក់ការល្បាតរបស់អង្គភាពប្រឆាំងក្រុមអន្ធពាលរបស់នរគបាល នៅក្នុងសង្កាត់ Delmas 18 កាលពីថ្ងៃអាទិត្យ ហើយបានដុតវាចោល។

មន្ត្រីពីរនាក់ ត្រូវបានសម្លាប់នៅនឹងកន្លែង ហើយពីរនាក់ ត្រូវបានជម្លៀសចេញដោយកងទ័ពជំនួយ ទោះបីជាម្នាក់ក្នុងចំណោមពួកគេ ក្រោយមកបានស្លាប់នៅមន្ទីរពេទ្យក៏ដោយ។

លោកនាយករដ្ឋមន្រ្តី Garry Conille បានសន្យាផ្តល់ជំនួយរដ្ឋសម្រាប់គ្រួសារជនរងគ្រោះ។ លោក Conille បានស្បថចូលកាន់តំណែងក្នុងខែនេះ ហើយមិនទាន់បានរៀបចំ គណៈរដ្ឋមន្ត្រីរបស់ខ្លួននៅឡើយទេបន្ទាប់ពីឡើងកាន់អំណាចជិតបីខែ បន្ទាប់ពីអ្នកកាន់តំណែងមុនរបស់ខ្លួន លោក Ariel Henry បានលាលែងពីតំណែង។

លោក Conille បាននិយាយនៅក្នុងសន្ទរកថាតាមវីដេអូថា៖«ទង្វើដ៏ព្រៃផ្សៃនេះ គឺជាការវាយប្រហារដោយផ្ទាល់ទៅលើសន្តិសុខ និងស្ថិរភាពរបស់ប្រទេស»។ «ខ្ញុំសូមចូលរួមរំលែកទុក្ខដ៏ក្រៀមក្រំទៅកាន់ក្រុមគ្រួសារនៃមន្រ្តីទាំងនេះ ដែលបានទៅជាមួយសហការី និងមិត្តភក្តិរបស់ពួកគេ»។