រដ្ឋមន្រ្តីការបរទេសសហរដ្ឋអាមេរិកលោក Antony Blinken បាននិយាយក្នុងទីក្រុងតែល អាវីវ នៅថ្ងៃអង្គារនេះថា លោកបានជួបជាមួយគ្រួសារចំណាប់ថ្នូរអាមេរិកនៅប្រទេសអ៊ីស្រាអែល ក្រោយអង្គការសហប្រជាជាតិ(UN) គាំទ្រសំណើឲ្យមានបទឈប់បាញ់នៅក្នុងសង្រ្គាមហ្កាហ្សា ។

 នៅថ្ងៃអង្គារនេះដែរ លោក Blinken បានជួបជាមួយក្រុមមន្រ្តីអ៊ីស្រាអែល ដើម្បីជំរុញឲ្យបញ្ចប់សង្រ្គាមរយៈពេល ៨ខែ រយៈពេល ១ថ្ងៃប៉ុណ្ណោះ ក្រោយសំណើរបស់លោកប្រធានាធិបតី Joe Biden ឲ្យមានបទឈប់បាញ់ ត្រូវបានឯកភាពដោយក្រុមប្រឹក្សាសន្តិសុខ UN ។

 ក្រសួងការបរទេសសហរដ្ឋអាមេរិក បានបញ្ជាក់ឡើងវិញថា ខ្លួនជំរុញផលប្រយោជន៍សន្តិសុខរបស់អ៊ីស្រាអែល នាំចំណាប់ថ្នូរវិលត្រឡប់មកផ្ទះវិញ និងបើកឱកាសសម្រាប់ការស្តាភាពស្ងប់ស្ងាត់នៅតាមព្រំដែនអ៊ីស្រាអែលជាមួយប្រទេសលីបង់ ។

 សំណើររបស់លោក Biden តម្រូវឲ្យមានបទឈប់បាញ់ និងដោះលែងចំណាប់ថ្នូរ ជាការដោះដូរជាមួយជនប៉ាឡេស្ទីនជាប់ពន្ធនាគារអ៊ីស្រាអែល នៅតាមដំណាក់កាល ដែលទីបញ្ចប់នឹងនាំឲ្យមានការបញ្ចប់សង្រ្គាមជាអចិន្រ្តៃយ៍ ។

 លោក Blinken បាននិយាយផងដែរថា សេចក្តីថ្លែងការណ៍របស់ក្រុមហាម៉ាស់ គាំទ្រសេចក្តីសម្រេចរបស់ UN គាំទ្រសំណើបទឈប់បាញ់នៅតំបន់ហ្កាហ្សា គឺជាសញ្ញាដ៏មានសង្ឃឹមមួយ ៕