បាល់ទាត់៖ លោក អ៊ួន ឧត្តម អគ្គលេខាធិការក្លិបអធិរាជដំរីឦសាន ខេត្តរតនាគិរីបានឲ្យដឹងថា ក្រុមការងារក្លិបបាននឹងកំពុងធ្វើការឈូសឆាយដីមួយកន្លែងនៅជើងភ្នំស្វាយ ស្ថិតនៅភូមិ ៣ សង្កាត់កាចាញ ក្រុងបានលុង ដើម្បីរៀបចំធ្វើទីលានស្ដង់ដារមួយបន្ទាប់ពីទទួលបានការសហការ និងឧបត្ថម្ភពីម្ចាស់ដីឈ្មោះ “ហ្វុង”។
អគ្គលេខាធិការក្លិបដដែលបានបញ្ជាក់ថា ដោយសារបញ្ហាកូវីដ-១៩ ក្លិបបានបែងចែកការសាងសង់ទីលាននេះជាដំណាក់កាល ដោយចាប់ផ្ដើមពីការឈូសឆាយឲ្យចេញជារូបរាងសិន បន្ទាប់មកអាចចុងឆ្នាំ ឬដើមឆ្នាំក្រោយទើបក្លិបធ្វើការដាំស្មៅ និងធ្វើវេទិកាមួយ មុនឈានដល់ការសាងសង់កន្លែងអង្គុយជាបន្ដ។ ចំពោះគោលដៅសំខាន់នៃការសាងសង់ទីលានស្តង់ដារ នៅជើងភ្នំស្វាយនាក្រុងបានលុងនេះដែរ ទី១-ដើម្បីប្រែក្លាយតំបន់ជើងភ្នំស្វាយឲ្យក្លាយជាទីលានបៃតងមួយ ដើម្បីរួមចំណែកទាក់ទាញ និងទទួលភ្ញៀវទេសចរណ៍នាថ្ងៃអនាគត និងទី២-ដើម្បីចូលរួមបណ្ដុះបណ្ដាល និងអភិវឌ្ឍយុវជន ក្នុងន័យរួមចំណែកអភិវឌ្ឍវិស័យកីឡាបាល់ទាត់កម្ពុជាឲ្យកាន់តែរីកចម្រើន៕
អត្ថបទ៖ លី ឈុនឡា
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
