ក្រសួងការបរទេស និងក្លឹបអ្នកកាសែតកម្ពុជា នៅថ្ងៃទី១២ ខែមិថុនានេះ រៀបចំវេទិកាពិភាក្សា​សារព័ត៌មាន លើប្រធានបទ «គោលនយោបាយការបរទេសកម្ពុជា ក្នុងបរិបទអាស៊ាន» នៅទីស្តីការក្រសួងការបរទេស ។

ការរៀបចំវេទិកានេះឡើង ដើម្បីផ្តល់ឱកាសដល់អ្នកសារព័ត៌មានជាតិ និងអន្តរជាតិ បានស្វែង យល់​បន្ថែមទៀតអំពីគោលនយោបាយការបរទេសរបស់ប្រទេសកម្ពុជាក្នុងបរិបទអាស៊ាន រួម​ទាំង​ព្រឹត្តិការណ៍សំខាន់ៗក្នុងតំបន់អាស៊ាន ដែលជះឥទ្ធិពលដល់គោលនយោបាយការបរទេសកម្ពុជា ។ វេទិកានេះ មានសារសំខាន់ ដែលមិនគ្រាន់​តែ​ផ្ដល់​ឱកាស​ដល់​អ្នក​សារព័ត៌មាន​បាន​ស្វែងយល់​ដឹងកាន់​តែច្បាស់អំពី គោលនយោបាយការបរទេសកម្ពុជាប៉ុណ្ណោះទេ ប៉ុន្តែជាឱកាស​ដែល​អ្នក​សារ​ព័ត៌មា​ន​លើកជាសំណួរផ្សេងៗទាក់ទងនឹងគោលនយោបាយការបរទេសរបស់ប្រទេសកម្ពុជា ក្នុង​បរិបទអាស៊ានផងដែរ៕