ភ្នំពេញ៖ សេចក្ដីជូនដំណឹងរបស់ក្រសួងប្រៃសណីយ៍ និងទូរគមនាគមន៍ បានឱ្យដឹងថា ក្រសួងបានសហការជាមួយក្រុមហ៊ុន Google និង YouTube រៀបចំសិក្ខាសាលាក្រោមប្រធានបទ “ក្លាយជាអ្នកជំនាញផលិត មាតិកា YouTube (Be Professional YouTubers)” តាម​រ​យៈ​​ប្រព័ន្ធវីដេអូ(Google Meet)ដែលនឹងប្រព្រឹត្តទៅនៅថ្ងៃទី២០ ខែសីហា ឆ្នាំ២០២១ វេលាម៉ោង ៩:០០នាទីព្រឹក ក្រោមអធិបតីភាព​ឯក​ឧត្ត​​ម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និងលោក Jean Jacque Sahel អ្នក​គ្រប់គ្រងជាន់ខ្ពស់​ផ្នែកកិច្ចការ​រដ្ឋា​ភិ​បាល និងគោលនយោបាយសាធារណៈរបស់ក្រុមហ៊ុន Google ព្រមទាំងមានកា រអញ្ជើញចូលរួមពីវាគ្មិនជំនាញរបស់ក្រុមហ៊ុន Google និង YouTube និងអ្នកផលិត​មាតិកា YouTube ល្បីៗទាំងក្នុង និងក្រៅប្រទេសផងដែរ។

ដើម្បី​ចូល​រួមសិក្ខាសាលានេះ ក្រសួងស្នើសាធារណជនដែលមានចំណាប់អារម្មណ៍ចុះឈ្មោះតាមរយៈតំណភ្ជាប់ mptc.gov.kh/go/event12 ចាប់ពីថ្ងៃជូនដំណឹងនេះរហូតដល់ថ្ងៃទី១៩ ខែសីហា ឆ្នាំ២០២១៕ ដោយ៖ គង់ ឌិន