នាយករដ្ឋមន្ត្រីអាមេនី លោក Nikol Pashinyan បាននិយាយកាលពីថ្ងៃពុធថា សន្ធិសញ្ញាសន្តិភាពជាមួយប្រទេសអាស៊ែរបៃហ្សង់ ជិតដល់ការបញ្ចប់ហើយ ប៉ុន្តែប្រទេសរបស់លោក នឹងមិនទទួលយកការទាមទាររបស់ទៅក្រុងបាគូ ក្នុងការកែប្រែរដ្ឋធម្មនុញ្ញរបស់ខ្លួនឡើយ។

បន្ទាប់ពីលោក Pashinyan បានធ្វើការអត្ថាធិប្បាយនោះ ការប៉ះទង្គិចគ្នា បានផ្ទុះឡើងរវាងនគរបាល និងក្រុមបាតុករ ដោយការតវ៉ាចុងក្រោយបង្អស់ បានរិះគន់គោលនយោបាយរបស់លោក រួមទាំងការប្រគល់ភូមិនានាដែលត្រូវរងការខូចខាតទៅឲ្យអាស៊ែរបៃហ្សង់វិញ និងការទាមទារឲ្យលោក លាលែងពីតំណែង។

របាយការណ៍ និងវីដេអូពីទីក្រុងយ៉េរ៉េវ៉ាន់ បានបង្ហាញឲ្យឃើញនគរបាលបានបាញ់គ្រាប់បែកផ្សែង ទៅលើក្រុមអ្នកតវ៉ា ដែលប្រមូលផ្តុំជុំវិញសភា។ បន្ទាប់មក ក្រុមអ្នកតវ៉ា បានបន្តទៅអគាររដ្ឋាភិបាល ហើយក្រោយមក បានបំបែកហ្វូងការតវ៉ា។

មន្ត្រីនគរបាលដែលត្រូវបានដកស្រង់សម្តីដោយទីភ្នាក់ងារសារព័ត៌មានរុស្ស៊ី បាននិយាយថា មន្ត្រី១៧ នាក់ បានរងរបួស។ ក្រសួងមហាផ្ទៃ បាននិយាយថា ជនស៊ីវិល ៧៩នាក់ បានរងរបួស និង ៩៨ នាក់ ត្រូវឃាត់ខ្លួន។