អ្នកស្រុក បាននិយាយកាលពថ្ងៃព្រហស្បតិ៍ថា រថក្រោះអ៊ីស្រាអែល បានឈានចូលជ្រៅទៅក្នុងតំបន់ភាគខាងលិចនៃទីក្រុងរ៉ាហ្វា ចំពេលយប់ដ៏អាក្រក់បំផុតមួយនៃការវាយប្រហារតាមអាកាស ជើងគោក និងតាមសមុទ្រ ដែលបង្ខំឲ្យគ្រួសារជាច្រើនភៀសខ្លួនចេញពីផ្ទះ និងតង់ ក្រោមភាពងងឹត។

អ្នកស្រុក បានអះអាងថា កងកម្លាំងអ៊ីស្រាអែល បានរុញច្រានទៅកាន់តំបន់ Al-Mawasi នៃទីក្រុងរ៉ាហ្វា ក្បែរឆ្នេរ ដែលត្រូវបានគេកំណត់ថា ជាតំបន់មនុស្សធម៌ នៅក្នុងសេចក្តីប្រកាស និងផែនទីទាំងអស់ដែលចេញផ្សាយដោយកងទ័ពអ៊ីស្រាអែល ចាប់តាំងពីខ្លួន បានចាប់ផ្តើមការវាយលុកលើទីក្រុងរ៉ាហ្វារបស់ខ្លួននៅក្នុងខែឧសភា។

យោធាអ៊ីស្រាអែល បានបដិសេធនៅក្នុងសេចក្តីថ្លែងការណ៍មួយថា ខ្លួនមិនបានបើកការវាយប្រហារណាមួយ នៅក្នុងតំបន់មនុស្សធម៌ Al-Mawasiទេ។

អ៊ីស្រាអែល បាននិយាយថា ការវាយប្រហាររបស់ខ្លួន មានគោលបំណងបំផ្លាញអង្គភាពប្រយុទ្ធចុងក្រោយរបស់ក្រុមហាម៉ាស នៅក្នុងទីក្រុងរ៉ាហ្វា ជាទីក្រុងដែលផ្តល់ជម្រកដល់មនុស្សជាងមួយលាននាក់ មុនពេលការរុលចូលទៅមុខចុងក្រោយបង្អស់ បានចាប់ផ្តើម។ ភាគច្រើននៃមនុស្សទាំងនោះឥឡូវនេះ បានផ្លាស់ប្តូរទៅភាគខាងជើង ឆ្ពោះទៅកាន់ទីក្រុង Khan Younis និង Deir Al-Balah នៅតំបន់ហ្កាហ្សា   ស្ទ្រី បភាគកណ្តាល។