ក្រសួងការពារជាតិនិយាយនៅថ្ងៃព្រសហ្បតិ៍នេះថា រុស្ស៊ី បានប្រតិបត្តិការបាញ់មីស៊ីលអេឡិកត្រូនិក ដែលជាផ្នែកមួយនៃដំណាក់កាល ២នៃសមយុទ្ធដាក់ពង្រាយអាវុធនុយក្លេអ៊ែរតាក់ទិក ។

ក្រសួងបន្តថា ជាផ្នែកមួយនៃដំណាក់កាលទី ២នៃសមយុទ្ធកងកម្លាំងនុយក្លេអ៊ែរមិនយុទ្ធសាស្រ្ត បុគ្គលិកមកពីអង្គភាពយោធា Leningrad បានបំពេញការងារហ្វឹកហ្វឺនប្រយុទ្ធ ដើម្បីរុលទៅមុខដោយសម្ងាត់ទៅកាន់ទីតាំងដែលបានកំណត់ ហើយនិងប្រតិបត្តិការបាញ់មីស៊ីលអេឡិចត្រូនិកលើគោលដៅសត្រូវ ។

ពួកគេបញ្ជាក់ថា សមយុទ្ធយោធានេះ មានគោលដៅធានាថា បុគ្គលិកយោធា និងគ្រឿងយុទ្ធោបករណ៍ ត្រៀមខ្លួនរួចជាស្រេចក្នុងការការពារអធិបតេយ្យភាព និងបូរណភាពទឹកដីរបស់ពួកគេ ។

រូបភាពវីដេអូឃ្លីបដែលបានបញ្ចេញដោយក្រសួងការពារជាតិឃើញ ទាហានជើងទឹករុស្ស៊ី ផ្តោតសំខាន់លើគោលដៅ ហើយបន្ទាប់មករាប់ថយក្រោយដើម្បីបាញ់ រួមទាំងការចុចប៊ូតង់បាញ់ផងដែរ

គួរឲ្យដឹងថា កាលពីខែមុន ប្រធានាធិបតីរុស្ស៊ីលោក Vladimir Putin បានបញ្ជាឲ្យយោធារបស់លោក ប្រតិបត្តិការដាក់ពង្រាយអាវុធនុយក្លេអ៊ែរតាក់ទិក ក្រោយអ្វីដែលទីក្រុងម៉ូស្គូ និយាយថា គឺជាការគំរាមកំហែងពីបារាំង អង់គ្លេស និងសហរដ្ឋអាមេរិក ៕