ក្រុមវេជ្ជបណ្ឌិតដ៏ធំបំផុតរបស់កូរ៉េខាងត្បូង បាននិយាយកាលពីថ្ងៃព្រហស្បតិ៍សប្ដាហ៍នេះថា ខ្លួនអាចនឹងពិចារណាដកខ្លួនចេញពីការដើរចេញពីការងារដែលបានគ្រោងទុក ប្រសិនបើរដ្ឋាភិបាលបង្ហាញជំហរដែលអាចបត់បែនបានលើការដំឡើងកូតាសាលាវេជ្ជសាស្ត្រ ដែលរដ្ឋាភិបាលកំពុងបង្កើនចំនួននិស្សិតពេទ្យចូលរៀន។

ថ្មីៗនេះ សមាគមវេជ្ជសាស្រ្ដកូរ៉េ (KMA) ដែលជាក្រុមសាស្ត្រាចារ្យវេជ្ជសាស្ត្រដ៏សំខាន់មួយសម្រាប់វេជ្ជបណ្ឌិត បានប្រកាសពីផែនការដើរចេញពីការងាររយៈពេលមួយថ្ងៃនៅសប្តាហ៍ក្រោយ ដែលអាចមានការចូលរួមពីវេជ្ជបណ្ឌិតសហគមន៍ និងសាស្ត្រាចារ្យវេជ្ជសាស្ត្រទូទាំងប្រទេស។

អ្នកនាំពាក្យសមាគមវេជ្ជសាស្រ្ដកូរ៉េ បាននិយាយថា យើងគ្មានពេលច្រើនទេ ប្រសិនបើរដ្ឋាភិបាលពុំបង្ហាញការផ្លាស់ប្តូរជំហររបស់ខ្លួននៅចុងសប្តាហ៍នេះ រដ្ឋាភិបាលមិនអាចបញ្ឈប់ការដើរចេញពីការងារទូទាំងប្រទេស ដែលគ្រោងធ្វើនៅសប្តាហ៍ក្រោយបានឡើយ។

មន្ត្រីរូបនេះបានបន្ថែមថា ប្រសិនបើរដ្ឋាភិបាលបង្ហាញការផ្លាស់ប្តូរគោលជំហររបស់ខ្លួន យើងនឹងពិចារណាឡើងវិញចំពោះផែនការតវ៉ាដោយការដើរចេញពីការងារ។

សមាគមវេជ្ជសាស្រ្ដកូរ៉េ ក៏បានអំពាវនាវ ផងដែរ ឱ្យរដ្ឋាភិបាលពិភាក្សាអំពីវិធានការកំណែទម្រង់វេជ្ជសាស្រ្តដ៏ចម្រូងចម្រាសជាមួយអង្គការក្នុងនាមជាស្ថាប័នតំណាងនៃសហគមន៍វេជ្ជសាស្ត្រទាំងអស់៕