​ប្រដាល់៖ ​Nico Ali Walsh ចៅប្រុស​របស់​កំពូល​កីឡាករ​ប្រដាល់ Muhammad Ali បានទទួល​ជ័យជំនះ​ក្នុងការ​ប្រកួត​ដំបូង​នៃ​អាជីព​កីឡាករ​ប្រដាល់​របស់ខ្លួន​។

​​កីឡាករ​វ័យ ២១ឆ្នាំ​រូបនេះ​បានបង្ហាញ​ពី​ភាព​អង់អាច​ក្លាហាន ​មិន​ចាញ់​លោកតា​របស់ខ្លួន​ឡើយ​ដោយ​ចំណាយពេល​ត្រឹម ៧០វិនាទី​ដើម្បី​ផ្តួល​គូប្រកួត Jordan Weeks នៅលើ​សង្វៀន​ក្រោយ​អាជ្ញាកណ្តាល​បញ្ឈប់​បន្ទាប់​ពី Nico វាយ​ចូល​ពេញៗ​ផ្ទួនៗ​។ ​​ក្រោយ​ផ្តួល​គូប្រកួត​ត្រឹម​ទឹក​ទី ១ នៅ​សង្វៀន Catoosa រដ្ឋ Oklahoma, Nico Ali Walsh ដែល​ស្លៀកខោ​របស់​លោកតា Muhammad Ali បាន​និយាយថា នេះ​ជាការ​ចាប់ផ្តើម​អាជីព​ដែលមាន​អារម្មណ៍​ក្ដុកក្ដួល​មួយ គេ​សូម​ឧទ្ទិស​ជ័យជំនះ​នេះ​ទៅដល់​លោកតា​ជាទី​នឹករលឹក​។​

​​Muhammad Ali ដែល​ធ្លាប់​ឈ្នះ​ជើងឯក​ប្រដាល់​ពិភពលោក ៣លើក និង​ត្រូវបាន​គេ​ស្គាល់​ថា​ជា​កំពូល​កីឡាករ​ប្រដាល់​ដ៏​អស្ចារ្យ​គ្រប់​ជំនាន់ ​បានទទួល​មរណៈភាព​កាលពី​ឆ្នាំ២០១៦​។ ​​Nico Ali Walsh ដែល​កំ​ពុង​សិក្សា​នៅ​មហាវិទ្យាល័យ​ផង​នោះ​ គឺ​កូនប្រុស​របស់លោក​ស្រី Rasheda Ali ដែលជា​កូនស្រី​បង្កើត​របស់ Muhammad Ali៕

​អត្ថបទ​៖​នាង សុភា​វុ​ធ