កាលពីថ្ងៃព្រហស្បតិ៍ម្សិលមិញ ក្រុមនគរបាលអេស្ប៉ាញ ចុះប្រតិបត្តិការកម្ចាត់បណ្តាញរបស់មេខ្លោងគ្រឿងញៀនដែលគេនិយាយថា ជាអ្នកនៅពីក្រោយការនាំកូកាអ៊ីនប្រហែលពាក់កណ្តាលចូលទៅកាន់អឺរ៉ុប ។

ដោយមានការគាំទ្រពីទីភ្នាក់ងារពង្រឹងច្បាប់ Europol ប្រតិបត្តិការអន្តរជាតិនេះ បានចាប់ខ្លួនមេខ្លោងគ្រឿងញៀនចំនួន ៤០នាក់ នៅតាមបណ្តាប្រទេសជាច្រើន និងរឹបអូសបានសារធាតុកូកាអ៊ីន ទម្ងន់ ៨តោន ។

នគរបាលអេស្ប៉ាញ និយាយផងដែរថា ប្រាក់ ១២.៥លានអឺរ៉ូ នៅតាមបណ្តាលប្រទេសផ្សេងៗរបស់អឺរ៉ុប ត្រូវបានរឹបអូស ក៏ដូចជាប្រាក់ ៣លានដុល្លារនៅប្រទេសប្រេស៊ីល និងជាង ៥០លានអឺរ៉ុប ត្រូវបានលាងលុយកខ្វក់នៅប្រទេសស៊ែរប៊ី ។

នគរបាលអេស្ប៉ាញ និយាយថា ប្រតិបត្តិការនេះ ត្រូវបានបញ្ជាបណ្តោះអាសន្នពីទីក្រុង Dubai និងប្រទេសទួរគី ជាទីដែលការផ្ទេរកូកាអ៊ីន ពីអាមេរិកខាងត្បូង ទៅកាន់អឺរ៉ុប ត្រូវបានសម្របសម្រួល ៕