ក្រុមហ៊ួទីនៅទេសយេម៉ែនកាលពីថ្ងៃព្រហស្បតិ៍ បានអះអាងទទួលខុសត្រូវចំពោះការវាយប្រហារដោយមីស៊ីលប្រឆាំងនឹងនាវាចំនួន បីគ្រឿង នៅក្នុងសមុទ្រអារ៉ាប់ និងសមុទ្រក្រហម។

អ្នកនាំពាក្យយោធាហ៊ួទី លោក Yahya Sarea បាននិយាយនៅក្នុងសេចក្តីថ្លែងការណ៍តាមទូរទស្សន៍ថា៖«ការវាយប្រហារលើកដំបូង បានកំណត់គោលដៅលើនាវា Verbena នៅក្នុងសមុទ្រអារ៉ាប់ ដោយបាន         បណ្តាលឲ្យមានការខូចខាត និងឆេះនាវានោះ។

លោកបានកត់សម្គាល់ថា៖«ការវាយប្រហារទាំងអស់ ត្រូវបានធ្វើឡើងដោយមីស៊ីលបាលិស្ទិក និងនាវាចម្បាំង និងយានដ្រូនជាច្រើនគ្រឿង ហើយសម្រេចបានគោលដៅរបស់ពួកគេដោយជោគជ័យ» ។

ចាប់តាំងពីខែវិច្ឆិកា ឆ្នាំមុន ក្រុមហ៊ួទីដែលគ្រប់គ្រងភាគច្រើននៃភាគខាងជើងប្រទេសយេម៉ែន បានចាប់  ផ្តើមការបាញ់មីស៊ីលបាលិស្ទិកប្រឆាំងនាវា និងយានដ្រូនសំដៅលើអ្វីដែលខ្លួនបាននិយាយថា ជានាវា ដែលភ្ជាប់ទំនាក់ទំនងអ៊ីស្រាអែលឆ្លងកាត់សមុទ្រក្រហម ដើម្បីបង្ហាញពីសាមគ្គីភាពជាមួយប៉ាឡេស្ទីន នៅតំបន់ហ្កាហ្សា។