រុស្ស៊ី បានអះអាងកាលពីថ្ងៃសុក្រថា កងកម្លាំងរបស់ខ្លួន បានបាញ់ទម្លាក់យន្តហោះចម្បាំងអ៊ុយក្រែនជាច្រើនគ្រឿង និងស្ទាក់ចាប់យានដ្រូនរាប់រយគ្រឿងរបស់ខ្លួនកាលពីសប្តាហ៍មុន ខណៈដែលអ៊ុយក្រែន បាននិយាយថា កងទ័ពរបស់ខ្លួន បានវាយលុកការវាយបកទៅលើការវាយប្រហារប្រហាររបស់រុស្ស៊ីចំនួន១៤ លើកក្នុងរយៈពេល ២៤ ម៉ោងកន្លងមកនេះ។

ក្រសួងការពារជាតិរុស្ស៊ី បានរាយការណ៍កាលពីថ្ងៃសុក្រថា ក្នុងសប្តាហ៍មុននេះ កងទ័ពរុស្ស៊ី បានបន្តវាយប្រហារទាហានអ៊ុយក្រែន កាំភ្លើងធំ រថពាសដែក និងឧបករណ៍ផ្សេងទៀត កន្លែងថាមពលប្រើប្រាស់ដោយសហគ្រាសយោធា អាកាសយានដ្ឋានយោធា គ្រប់គ្រងការតាំងទីលំនៅពីរ នៅក្នុងតំបន់ Luhansk និង Kharkov និងបានបាញ់ទម្លាក់យន្តហោះចម្បាំងអ៊ុយក្រែន MiG-29, Su-27មួយគ្រឿង និង Su-25 មួយគ្រឿង ឧទ្ធម្ភាគចក្រ Mi-8 ចំនួនពីរគ្រឿង និងស្ទាក់ចាប់បានយានដ្រូនរាប់រយគ្រឿង។

ទន្ទឹមនឹងនេះដែរ អគ្គសេនាធិការនៃកងកម្លាំងប្រដាប់អាវុធអ៊ុយក្រែន បានចេញរបាយការណ៍ នៅថ្ងៃដដែល ដោយនិយាយថា ការប្រយុទ្ធចំនួនគ្នាចំនួន ៧១លើក បានកើតឡើងនៅជួរមុខ កាលពីថ្ងៃសុក្រ ដែលភាគច្រើននៅក្នុងទិសដៅនៃទីក្រុង Pokrovsk ។

អគ្គសេនាធិការកងកម្លាំងប្រដាប់អាវុធអ៊ុយក្រែននេះ ក៏បានបញ្ជាក់ថា ស្ថានភាពនៅតែតានតឹងក្នុងទិសដៅនៃទីក្រុង Pokrovsk ជាកន្លែងដែលការប្រយុទ្ធចំនួន ២៤លើល បានកើតឡើង ក្នុងអំឡុងពេលថ្ងៃដែលកងកម្លាំងអ៊ុយក្រែន បានវាយបកទៅលើការវាយប្រហាររបស់រុស្ស៊ីចំនួន ១៤លើក ជាមួយនឹងការប្រយុទ្ធចំនួន១០ផ្សេងទៀត នៅកំពុងបន្ត។