ប្រជាជនអាហ្រ្វិកខាងត្បូង បានភ្ញាក់ឡើងចំពោះរដ្ឋាភិបាលថ្មីនៃការរួបរួមជាតិ នៅថ្ងៃសៅរ៍ (ថ្ងៃទី១៥ ខែមិថុនា)នេះ ដោយអ្នកខ្លះសង្ឃឹមថា ក្រុមចម្រុះថ្មី នឹងនាំមកនូវការផ្លាស់ប្តូរជាវិជ្ជមានសម្រាប់ប្រទេស។

គណបក្សសមាជជាតិអាហ្រ្វិក (ANC) និងគូប្រជែងដ៏ធំបំផុតរបស់ខ្លួន ដែលជាសម្ព័ន្ធប្រជាធិបតេយ្យគាំទ្រអាជីវកម្មដែលដឹកនាំដោយស្បែកស បានព្រមព្រៀងគ្នា កាលពីថ្ងៃសុក្រ (ទី១៤ ខែមិថុនា) ដើម្បីធ្វើការរួមគ្នានៅក្នុងរដ្ឋាភិបាលថ្មីនៃឯកភាពជាតិរបស់ប្រទេសអាហ្វ្រិកខាងត្បូង ដែលជាការផ្លាស់ប្តូរមួយជំហាន បន្ទាប់ពីការគ្រប់គ្រងរបស់ ANC រយៈពេល ៣០ឆ្នាំ។

នៅពេលដែលនឹកស្មានមិនដល់ កិច្ចព្រមព្រៀងនេះ បានអនុញ្ញាតឲ្យលោកប្រធានាធិបតី Cyril Ramaphosa ទទួលបានតំណែងអាណត្តិទី២។ លោកត្រូវបានសមាជិកសភាបោះឆ្នោតជ្រើសតាំងជាថ្មីដោយមានសំឡេងគាំទ្រ ២៨៣។

អ្នកស្រុកនៃទីក្រុង Cape Town លោក Lucky Mabokela បាននិយាយថា ខ្លួនសប្បាយចិត្តណាស់ ដែល ANC នឹងមិនគ្រប់គ្រងប្រទេសដោយខ្លួនឯងផ្ទាល់ទេ។

លោកបានបន្តថា៖ «ពួកគេនឹងធ្វើការជាមួយគ្នា ដើម្បីឲ្យអ្វីៗគ្រប់យ៉ាងល្អប្រសើរឡើង»។