អាជ្ញាធរ បាននិយាយនៅថ្ងៃសៅរ៍នេះថា យោធាសហរដ្ឋអាមេរិក បានធ្វើការវាយប្រហារសំដៅលើទីតាំងរ៉ាដាដែលប្រតិបត្តិការដោយក្រុមឧទ្ទាមហ៊ួទីនៅប្រទេសយេម៉ែន ជុំវិញការវាយប្រហាររបស់ពួកគេលើការដឹកជញ្ជូនទំនិញ នៅក្នុងច្រករបៀងសមុទ្រក្រហមដ៏សំខាន់ បន្ទាប់ពីនាវិកជំនួញម្នាក់ បានបាត់ខ្លួន បន្ទាប់ពីការវាយប្រហាររបស់ក្រុមហ៊ួទីមុននេះ ទៅលើកនាវាមួយគ្រឿង។

ការវាយប្រហារនេះ បានកើតឡើង នៅពេលដែលកងទ័ពជើងទឹកសហរដ្ឋអាមេរិកប្រឈមមុខនឹងការប្រយុទ្ធដ៏ខ្លាំងក្លាបំផុត ដែលខ្លួនបានឃើញ ចាប់តាំងពីសង្គ្រាមលោកលើកទី២ ក្នុងការព្យាយាមប្រឆាំងនឹងយុទ្ធនាការរបស់ហ៊ួទី ជាការវាយប្រហារដែលក្រុមឧទ្ទាមនិយាយថា មានគោលបំណងបញ្ឈប់សង្គ្រាមអ៊ីស្រាអែល-ហាម៉ាស នៅតំបន់ហ្កាហ្សាស្ទ្រីប។ ទោះបីជាយ៉ាងណាក៏ដោយ ការវាយលុករបស់ក្រុមឧទ្ទាមដែលគាំទ្រដោយអ៊ីរ៉ង់ ជារឿយៗឃើញនាវា និងនាវិក ជាគោលដៅរបស់ក្រុមហ៊ួទី ដែលមិនមានអ្វីដែលត្រូវធ្វើជាមួយសង្គ្រាមទេ ខណៈដែលចរាចរណ៍នៅតែពាក់កណ្តាលតាមច្រករបៀងដ៏សំខាន់សម្រាប់ការដឹកជញ្ជូនទំនិញ និងថាមពលរវាងអាស៊ី អឺរ៉ុប និងមជ្ឈិមបូព៌ា។

ទីបញ្ជាការកណ្តាលរបស់យោធា បាននិយាយថា ការវាយប្រហាររបស់សហរដ្ឋអាមេរិក បានបំផ្លាញរ៉ាដាចំនួន ៧គ្រឿង នៅក្នុងទឹកដីដែលគ្រប់គ្រងដោយក្រុមហ៊ួទី។ ពុំមានការបញ្ជាក់លម្អិតអំពីរបៀបដែលទីតាំងរ៉ាដាទាំងនោះ ត្រូវបានបំផ្លាញទេ ហើយមិនបានឆ្លើយតបភ្លាមៗចំពោះសំណួរពីសារព័ត៌មានAPនោះទេ។ 

បញ្ជាការកណ្តាលនេះ បានអះអាងនៅក្នុងសេចក្តីថ្លែងការណ៍មួយថា៖«រ៉ាដាទាំងនោះ អនុញ្ញាតឲ្យក្រុម ហ៊ួទី កំណត់គោលដៅលើនាវាដែនសមុទ្រ និងបង្កគ្រោះថ្នាក់ដល់ការដឹកជញ្ជូនពាណិជ្ជកម្ម»។