នាយករដ្ឋមន្ត្រីអ៊ីស្រាអែល លោក Benjamin Netanyahu បានរិះគន់ផែនការដែលយោធាបានប្រកាសកាលពីថ្ងៃអាទិត្យ ដើម្បីផ្អាកការប្រយុទ្ធតាកទិកប្រចាំថ្ងៃ ក្នុងការប្រយុទ្ធគ្នានៅតាមដងផ្លូវមួយក្នុងចំណោមដងសំខាន់ៗជាច្រើន ចូលទៅក្នុងតំបន់ហ្កាហ្សា ដើម្បីជួយសម្រួលដល់ការបញ្ជូនជំនួយទៅកាន់ដែនដីប៉ាឡេស្ទីន។

យោធាបានប្រកាសពីការផ្អាកប្រចាំថ្ងៃចាប់ពីម៉ោង ៥ ដល់ម៉ោង ១៦ ម៉ោងក្នុងស្រុក នៅតំបន់ហ្កាហ្សា ចាប់ពីច្រកឆ្លងកាត់ Kerem Shalom ទៅដល់ផ្លូវ Salah al-Din ហើយបន្ទាប់មកឆ្ពោះទៅភាគខាងជើង។

មន្ត្រីអ៊ីស្រាអែលម្នាក់បាននិយាយថា នៅពេលនាយករដ្ឋមន្ត្រីបានឮរបាយការណ៍នៃការផ្អាកប្រយុទ្ធសម្រាប់ជំនួយមនុស្សធម៌រយៈពេល ១១ម៉ោង នៅពេលព្រឹក លោកបានងាកទៅរកមន្ត្រីយោធារបស់លោក ហើយបញ្ជាក់យ៉ាងច្បាស់ថា នេះជារឿងមិនអាចទទួលយកបានសម្រាប់រូបលោក។

យោធាបានបញ្ជាក់យ៉ាងច្បាស់ថា ប្រតិបត្តិការធម្មតានឹងបន្តនៅក្នុងទីក្រុងរ៉ាហ្វា(Rafah) ដែលជាការផ្តោតសំខាន់នៃប្រតិបត្តិការរបស់ខ្លួននៅតំបន់ហ្កាហ្សាភាគខាងត្បូង ជាទីដែលទាហាន ៨ នាក់ត្រូវបានសម្លាប់កាលពីថ្ងៃសៅរ៍។

ប្រតិកម្មពីលោក Netanyahu បានគូសបញ្ជាក់ពីភាពតានតឹងផ្នែកនយោបាយជុំវិញបញ្ហាជំនួយដែលចូលមកក្នុងតំបន់ហ្កាហ្សា ជាទីដែលអង្គការអន្តរជាតិបានព្រមានពីវិបត្តិមនុស្សធម៌កំពុងកើនឡើងខ្លាំង៕