សាក្សី បាននិយាយថា ឆ្មាំឆ្នេរសមុទ្រក្រិក បានបណ្តាលឲ្យជនអន្តោប្រវេសន៍រាប់សិបនាក់ស្លាប់ នៅ         សមុទ្រមេឌីទែរ៉ាណេ ក្នុងរយៈពេលបីឆ្នាំ ក្នុងនោះមនុស្ស ៩នាក់ ដែលត្រូវបានបោះចូលទៅក្នុងទឹកដោយចេតនា។

ការវិភាគរបស់សារព័ត៌មាន BBC បានរកឃើញថា អ្នកទាំង ៩នាក់នោះ ស្ថិតក្នុងចំណោមមនុស្សជាង ៤០នាក់ ដែលត្រូវបានចោទប្រកាន់ថា បានស្លាប់ដោយសារការបង្ខំឲ្យចេញពីដែនទឹកក្រិក ឬត្រូវបានបញ្ជូន    ត្រឡប់ទៅសមុទ្រវិញ បន្ទាប់ពីបានទៅដល់កោះក្រិក។

ឆ្មាំឆ្នេរសមុទ្រក្រិក បានប្រាប់ពីការស៊ើបអង្កេតរបស់យើងថា ខ្លួនបដិសេធយ៉ាងខ្លាំងរាល់ការចោទប្រកាន់អំពីសកម្មភាពខុសច្បាប់។

អតីតមន្ត្រីឆ្មាំសមុទ្រជាន់ខ្ពស់ក្រិក បាននិយាយថា យើងបានបង្ហាញវីដេអូនៃមនុស្ស ១២នាក់ កំពុងត្រូវបានគេដាក់ចូលទៅក្នុងទូកឆ្មាំសមុទ្រក្រិក ហើយបន្ទាប់មកត្រូវបានគេបោះបង់ចោលនៅលើទូកតូចមួយគ្រឿង។ 

រដ្ឋាភិបាលក្រិក ត្រូវបានចោទប្រកាន់ជាយូរមកហើយពីបទបង្ខំឲ្យ ឬជំរុញជនអន្តោប្រវេសន៍ឲ្យត្រឡប់ទៅប្រទេសទួរគី ជាកន្លែងដែលពួកគេ បានឆ្លងកាត់ដែលខុសច្បាប់ នៅក្រោមច្បាប់អន្តរជាតិ។

ប៉ុន្តែនេះជាលើកដំបូងដែលសារព័ត៌មាន BBC បានគណនាចំនួនឧប្បត្តិហេតុ ដែលចោទប្រកាន់ថា អ្នកស្លាប់ទាំងនេះ បានកើតឡើង ដោយសារសកម្មភាពរបស់ឆ្មាំឆ្នេរសមុទ្រក្រិក។