នាវាមុជទឹករុស្ស៊ី ដែលបច្ចុប្បន្នកំពុងស្ថិតនៅក្នុងប្រទេសគុយបា ត្រូវបានគេប្រទះឃើញ នៅឆ្នេរសមុទ្រភាគខាងលិចនៃប្រទេសស្កុតឡែន មុនពេលវាមកដល់ទីក្រុងឡាហាវ៉ាន កាលពីសប្តាហ៍មុន។

ការមើលឃើញនាវាមុជទឹក Kazan ដែលមិនចូលទៅក្នុងដែនទឹករបស់ចក្រភពអង់គ្លេស បានជំរុញឲ្យក្រសួងការពារជាតិផ្តល់ព័ត៌មានជូនរបស់ខ្លួននាយករដ្ឋមន្ត្រី។

នាវានោះ ត្រូវបានគេកំណត់អត្តសញ្ញាណដោយយន្តហោះប្រឆាំងនាវាមុជទឹក RAF Poseidon P8 នៅពេលដែលវាបានឆ្លងកាត់ប្រទេសអៀរឡង់ កាលពីថ្ងៃទី៥ ខែមិថុនា។

នាវាមុជទឹក Kazan បានមកដល់ទីក្រុងឡាហាវ៉ាន រួមជាមួយនឹងនាវារុស្ស៊ីមួយចំនួនសម្រាប់សមយុទ្ធយោធា នៅសមុទ្រការ៉ាអ៊ីប កាលពីចុងសប្តាហ៍។

នាវាទាំងនោះ ត្រូវបានគេចាត់ទុកថា ជាការបង្ហាញកម្លាំង ចំពេលមានភាពតានតឹងរបស់ក្រុងមូស្គូ ជាមួយលោកខាងលិចជុំវិញសង្រ្គាមនៅអ៊ុយក្រែន។

មន្ត្រីអាមេរិក បាននិយាយសម្រាលពីវត្តមានរបស់នាវាទាំងនោះស្ថិតនៅចម្ងាយប្រហែល ៩០ម៉ាយ (១៤៥គីឡូម៉ែត្រ)ពីរដ្ឋហ្វ្លរីដា ដោយនិយាយថា ពួកវា មិនបង្កការគំរាមកំហែងទេ។