មេដឹកនាំសហភាពអឺរ៉ុប បានបញ្ចប់កិច្ចពិភាក្សាអំពី ថាតើនណារដែលនឹងទទួលបានមុខតំណែងកំពូលរបស់ប្លុកនេះ សម្រាប់រយៈពេលប្រាំឆ្នាំបន្ទាប់ទៀត ខណៈគ្មានកិច្ចព្រមព្រៀង កាលពីថ្ងៃចន្ទ ទី១៧ ខែមិថុនា ដោយមានបំណងដាក់សេចក្តីសម្រេច ក្នុងកិច្ចប្រជុំកំពូលនៅសប្តាហ៍ក្រោយ។

កិច្ចប្រជុំរបស់មេដឹកនាំ គឺជាលើកដំបូង ចាប់តាំងពីការបោះឆ្នោតសភាអឺរ៉ុប ដែលបានមើលឃើញពីការកើនឡើងសម្រាប់ក្រុមជាតិនិយមកណ្តាល និងស្តាំនិយម ប៉ុន្តែជាការបរាជ័យដ៏អាម៉ាស់សម្រាប់ប្រធានាធិបតីបារាំង លោក Emmanuel Macron និងអធិការបតីអាល្លឺម៉ង់ លោក អូឡាហ្វសូល(Olaf Scholz) ។

ក្នុងពេលទទួលទានអាហារពេលល្ងាច នៅទីក្រុងប្រ៊ុចសែល មេដឹកនាំប្រទេសទាំង២៧ របស់សហភាពអឺរ៉ុប បានពិភាក្សាគ្នាថាតើនរណាគួរតែគ្រប់គ្រងស្ថាប័នប្រតិបត្តិនៃគណៈកម្មាធិការអឺរ៉ុបដ៏មានឥទ្ធិពល និងអ្នកដែលនឹងធ្វើជាប្រធានកិច្ចប្រជុំក្រុមប្រឹក្សាអឺរ៉ុបរបស់ពួកគេ ព្រមទាំងអ្នកដែលគួរតែកាន់តំណែងជាប្រធានគោលនយោបាយការបរទេស។

មេដឹកនាំប្រទេសទាំងអស់ ត្រូវបានគេរំពឹងយ៉ាងទូលំទូលាយថា នឹងតែងតាំង លោកស្រី Ursula von der Leyen របស់ប្រទេសអាល្លឺម៉ង់ សម្រាប់អាណត្តិទីពីរជាប្រធានគណៈកម្មការអឺរ៉ុប ហើយអតីតនាយករដ្ឋមន្ត្រីព័រទុយហ្គាល់ លោក អាន់តូនីញ៉ូ កូស្តា (Antonio Costa) ជាប្រធានក្រុមប្រឹក្សា និងនាយករដ្ឋមន្ត្រីប្រទេសអេស្តូនី លោក Kaja Kallas ជាមន្ត្រីការទូតជាន់ខ្ពស់។