នៅលើដីក្នុងមន្ទីរពេទ្យ Al-Aqsa Martyrs ស្ថិតក្នុងទីក្រុង Deir al-Balah តំបន់ហ្កាហ្សាស្រ្ទីប សាកសពមនុស្ស ៧នាក់ ត្រូវបានគេរុំក្នុងថង់ពណ៌ស. មុនពិធីបុណ្យសពរបស់ពួកគេ ។ 

ស្រ្តីបានព្យាយាមលួងក្មេងប្រុសម្នាក់ ពេលដែលក្មេងប្រុសយំនៅជិតសាកសព ហើយមនុស្សប្រុស នាំគ្នាបួងសួងដល់វិញ្ញាណក្ខន្ធអ្នកដែលបានស្លាប់ ។ 

ការវាយប្រហារតាមច្រកអាកាសរបស់អ៊ីស្រាអែលនៅថ្ងៃអង្គារនេះ បានសម្លាប់ជនប៉ាឡេស្ទីនយ៉ាងហោច ១៧នាក់ នៅជំរំប្រវត្តិសាស្រ្ត ២កន្លែងក្នុងតំបន់ហ្កាហ្សាស្រ្ទីប ហើយរថក្រោះរបស់អ៊ីស្រាអែល រុលចូលកាន់តែជ្រៅទៅក្នុងទីក្រុងភាគខាងត្បូង Rafah ។ 

ក្រុមអ្នកស្រុក បានរាយការណ៍ការផ្លោងគ្រាប់កាំភ្លើងធំពីរថក្រោះ និងការទម្លាក់គ្រាប់បែកពីយន្តហោះ នៅតាមតំបន់ជាច្រើនក្នុងទីក្រុង Rafah ជាទីដែលមនុស្សជាង ១លាននាក់ បានជ្រកកោន កាលពីមុនខែឧសភា ។ ភាគច្រើននៃពួកគេ បានរត់ភៀសខ្លួនទៅកាន់តំបន់ភាគខាងជើងវិញ ចាប់តាំងពីកងកម្លាំងអ៊ីស្រាអែល ចាប់ផ្តើមឈ្លានពានទីក្រុងមួយនេះ ។ 

អ្នកស្រី Hanan al-Rai បានបាត់បង់សមាជិគ្រួសារជាច្រើននាក់ ក្នុងការវាយប្រហារតាមច្រកអាកាសនេះ ។ អ្នកស្រី និយាយថា អ្នកស្រីបានរត់ចេញ ក្រោយការទម្លាក់គ្រាប់បែក ដើម្បីស្វែងរកកូនស្រីរបស់គាត់ ចៅៗរបស់គាត់ ប៉ុន្តែពួកគេ បានស្លាប់អស់ហើយ ៕