CAMSOC បើកភ្លើង​ខៀវ​ឲ្យ FFC ដេញថ្លៃ​ធ្វើ​ម្ចាស់ផ្ទះ Suzuki Cup នៅ​ពហុ​កីឡដ្ឋាន​ជាតិ​មរតក​តេ​ជោ​

CAMSOC បើកភ្លើងខៀវឲ្យ FFC ដេញថ្លៃធ្វើម្ចាស់ផ្ទះ Suzuki Cup នៅពហុកីឡដ្ឋានជាតិមរតកតេជោ

បាល់ទាត់៖ គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣ (CAMSOC) បានបើកភ្លើងខៀវ និងគាំទ្រគម្រោងដេញថ្លៃធ្វើម្ចាស់ផ្ទះការប្រកួតកីឡាបាល់ទាត់ជើងឯកអាស៊ីអាគ្នេយ៍ឆ្នាំ២០២០ (AFF Suzuki Cup 2020) របស់សហព័ន្ធកីឡាបាល់ទាត់កម្ពុជា(FFC) ដែលបានស្នើសុំយកពហុកីឡដ្ឋានជាតិមរតកតេជោ ដើម្បីត្រៀមរៀបចំការប្រកួត។

ការបើកភ្លើងខៀវនេះបន្ទាប់ពីឯកឧត្តមនាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា បានបង្ហើបពីបំណងចូលរួមដេញថ្លៃធ្វើម្ចាស់ផ្ទះពានរង្វាន់ AFF Suzuki Cup 2020 ក្នុងសន្និបាតបូកសរុបការងារឆមាសទី១ និងលើកទិសដៅបន្ដការងារឆមាសទី២ ឆ្នាំ២០២១ របស់គណៈកម្មាធិការជាតិ CAMSOC កាលពីថ្ងៃទី១៧ ខែសីហា ឆ្នាំ២០២១។ ឯកឧត្តម វ៉ាត់ ចំរើន អគ្គលេខាធិការ CAMSOC មានប្រសាសន៍ថា ការបង្ហើប ក៏ដូចជាការស្នើចង់បានពហុកីឡដ្ឋានជាតិមរតកតេជោធ្វើម្ចាស់ផ្ទះនេះ ត្រូវទទួលការគាំទ្រពីសម្ដេចពិជ័យសេនា ទៀ បាញ់ និងអង្គសន្និបាតទាំងមូល ហើយសម្ដេចជំរុញឲ្យធ្វើការរួមគ្នាក្នុងការរៀបចំការប្រកួតនៅពហុកីឡដ្ឋានជាតិមរតកតេជោ ដែលជាកន្លែងត្រៀមស្វាគមន៍ព្រឹត្តិការណ៍ស៊ីហ្គេម ឆ្នាំ២០២៣ នេះទៀតផង។

តាមការបញ្ជាក់របស់ឯកឧត្តមនាយឧត្តមសេនីយ៍ សៅ សុខា គោលបំណងនៃការចង់ចូលរួមដេញថ្លៃធ្វើម្ចាស់ផ្ទះពានរង្វាន់ AFF Suzuki Cup 2020 ដោយស្នើរៀបចំការប្រកួតនៅពហុកីឡដ្ឋានជាតិមរតកតេជោនេះគឺដើម្បីអបអរសាទរ និងផ្សព្វផ្សាយនូវសមិទ្ធផលដ៏អស្ចារ្យនៃសំណង់ប្រវត្តិសាស្ដ្រដ៏មហាសាលនេះ ក៏ដូចជាការសាកល្បង និងពង្រឹងសមត្ថភាពកីឡាករសម្រាប់ការប្រកួតកីឡាស៊ីហ្គេមនៅវៀតណាម ពិសេសស៊ីហ្គេមឆ្នាំ២០២៣ នៅកម្ពុជាផងដែរ។ ក្រឡេកទៅចាប់អារម្មណ៍ការប្រកួតពានរង្វាន់ប្រចាំតំបន់នេះវិញ មកទល់ពេលនេះនៅមិនទាន់ចាប់ឆ្នោតនោះទេ ដ្បិតកាលបរិច្ឆេទចាប់ឆ្នោតត្រូវបានពន្យារពេលម្ដងហើយម្ដងទៀត ដោយសារបញ្ហាកូវីដ-១៩ បន្ទាប់ពីការប្រកួតនេះត្រូវបានពន្យារពេល ១ឆ្នាំមកហើយ។ យ៉ាងណាតាមគម្រោងការប្រកួតនឹងត្រូវឡើងចុងឆ្នាំនេះពីថ្ងៃទី០៥ ខែធ្នូ ឆ្នាំ២០២១ រហូតដល់ថ្ងៃទី០១ ខែមករា ឆ្នាំ២០២២៕

អត្ថបទ៖ លី ឈុនឡា

អត្ថបទដែលទាក់ទង

MLS បើកការស៊ើបអង្កេតលើ Inter Miami ជុំវិញការចោទប្រកាន់ថាបានទាក់ទង Casemiro ដោយមិនគោរពបទប្បញ្ញត្តិ

Hun Sen Cup៖ ឧត្តរមានជ័យ ស្មើបន្ទាយមានជ័យ ខណៈខេត្តកណ្ដាល រកបាន ៣ពិន្ទុពេញពីជំនួបបើកឆាកពូលB

អត្តពលិកកីឡារាំទៅចូលរួមប្រកួតជើងឯកអាស៊ី-អាស៊ាន នៅម៉ាឡេស៊ី ខណៈប្រធានសហព័ន្ធជឿជាក់នាំ មេដាយជូនជាតិ

បណ្ដាញសង្គម

ព័ត៌មានចុងក្រោយ

សម្តេចកិត្តិសង្គហបណ្ឌិត ម៉ែន សំអន ចាត់ទុកវិនិយោគិនគឺជា «ដៃគូអភិវឌ្ឍន៍ដែលមិនអាចខ្វះបាន» ខណៈដែលក្រុមហ៊ុនចិនធំៗចំនួន ៦០ សម្លឹងឃើញពីសក្តានុពល និងឱកាសវិនិយោគនៅកម្ពុជា

អ្នករាយការណ៍ពិសេសសម្តែងនូវការបារម្ភចំពោះស្ថាននភាពសិទ្ធិមនុស្សដោយសារជម្លោះព្រំដែន

ប្រមុខការទូតកម្ពុជា និងអាម៉េរិក ជួបពិភាក្សាការងារទ្វេភាគី ដើម្បីជំរុញភាពជាដៃគូប្រទេសទាំងពីរឱ្យកាន់តែរីកចម្រើនថែមទៀត

ទីក្រុងតូក្យូរាយការណ៍ពីការចូលមន្ទីរពេទ្យទាក់ទងនឹងកម្ដៅច្រើនបំផុត តាំងពីឆ្នាំ២០១០ ដោយមានអ្នកស្លាប់ម្នាក់

អ៊ីរ៉ង់ព្រមានកងទ័ពអាមេរិកកុំឱ្យអនុវត្តបញ្ជា «ខុសច្បាប់យ៉ាងជាក់ស្ដែង»

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

CAMSOC បើកភ្លើងខៀវឲ្យ FFC ដេញថ្លៃធ្វើម្ចាស់ផ្ទះ Suzuki Cup នៅពហុកីឡដ្ឋានជាតិមរតកតេជោ