បុគ្គលិកថែទាំសុខភាពសាធារណៈរបស់ប្រទេសឈីលី បានចេញធ្វើបាតុកម្មកាលពីថ្ងៃពុធ ទៅកាន់វិមានរដ្ឋាភិបាល ដើម្បីទាមទារលក្ខខណ្ឌការងារល្អប្រសើរជាងមុន ដែលពួកគេនិយាយថា រដ្ឋាភិបាល មិនបានអើពើជាមួយពួកគេ។

សហព័ន្ធបុគ្គលិកថែទាំសុខភាពជាតិ បានអំពាវនាវឱ្យធ្វើកូដកម្មថ្នាក់ជាតិ នៅថ្ងៃអង្គារ និងថ្ងៃពុធ ខណៈប្រធានាធិបតី លោក ហ្កាប្រ៊ីអ៊ែល បូរិក(Gabriel Boric) ខកខានមិនបានគោរពទៅតាមយុទ្ធនាការរបស់លោក ដែលសន្យាធ្វើឱ្យប្រសើរឡើងនូវលក្ខខណ្ឌការងាររបស់ពួកគេ នេះបើយោងតាមសេចក្តីថ្លែងការណ៍មួយ។

ការទាមទារមួយចំណុចក្នុងចំណោមការទាមទារទាំងអស់ គឺសប្តាហ៍ការងារត្រឹមតែ៤០ម៉ោង ស្របទៅតាមច្បាប់ ដែលបានអនុម័តកាលពីឆ្នាំមុន នៅក្នុងសភា ដែលបានឲ្យកាត់បន្ថយសប្តាហ៍ការងារពី៤៥ ម៉ោង មកត្រឹមតែ៤០ម៉ោង។