ប្រធានាធិបតីវៀតណាមលោក To Lam និយាយនៅក្នុងជំនួបជាមួយប្រធានាធិបតីរុស្ស៊ីលោក Vladimir Putinនៅក្នុងទីក្រុងហាណូយនាថ្ងៃព្រហស្បតិ៍នេះថា វៀតណាម ចង់ពង្រឹងទំនាក់ទំនងជាមួយរុស្ស៊ី ។

លោក Lamបានអបអរសាទរលោក Putin សម្រាប់ការបោះឆ្នោតជ្រើសរើសរូបលោកឡើងវិញ ហើយនិងបានកោតសរសើរដល់សមិទ្ធិផលសម្រេចបានរបស់រុស្ស៊ី រួមទាំងស្ថិរភាពនយោបាយក្នុងស្រុកផងដែរ ។

លោក Putin ដែលបានធ្វើដំណើរទៅដល់ទីក្រុងហាណូយនៅព្រឹកថ្ងៃព្រហស្បតិ៍នេះ សម្រាប់ដំណើរទស្សនកិច្ចផ្លូវរដ្ឋនៅវៀតណាម និយាយថា ការពង្រឹងភាពជាដៃគូយុទ្ធសាស្រ្តទូលំទូលាយជាមួយវៀតណាម ស្ថិតនៅក្នុងចំណោមអាទិភាពកំពូលរបស់រុស្ស៊ី ។

លោកថា រុស្ស៊ីគោរពការជជែកដេញដោលជាមួយអាស៊ាន ដែលលោកនិយាយថា វៀតណាមដើរតួយ៉ាងសកម្ម ។

លោក Putin នឹងមានជំនួបផងដែរជាមួយក្រុមមេដឹកនាំផ្សេងទៀតរបស់វៀតណាម រួមទាំងប្រធានបក្សកុម្មុយនិស្តលោក Nguyen Phu Trong និងនាយករដ្ឋមន្រ្តីវៀតណាមលោក Pham Minh Chinh នៅថ្ងៃព្រហស្បតិ៍នេះ ៕