យោងតាមរដ្ឋបាលឧតុនិយមកូរ៉េ (KMA) នៅថ្ងៃព្រហស្បតិ៍ (ទី២០ ខែមិថុនា) នេះ បានឲ្យដឹងថា សីតុណ្ហភាពក្តៅ ចាប់ពីថ្ងៃទី១៩ ខែមិថុនា បានបន្តមានដល់ថ្ងៃបន្ទាប់ ហើយគេរំពឹងថា នឹងបន្តដល់ចុងសប្តាហ៍នេះទៀត។

ការព្រមានអំពីរលកកម្ដៅរបស់ក្រុមប្រឹក្សា ដែលត្រូវបានចេញផ្សាយនៅក្នុងតំបន់ចំនួន៩២ នៅទូទាំងប្រទេសកូរ៉េខាងត្បូង បានបន្តរហូតដល់ថ្ងៃទី២០ ខែមិថុនានេះ។ ទីក្រុងចំនួន៤ នៅក្នុងខេត្ត Gyeonggi គឺទីក្រុង Gapyeong, Goyang, Yongin និង Anseong បានបង្កើនកម្រិតព្រមានអំពីកម្ដៅដល់កម្រិតខ្ពស់បំផុតទី២ នៅក្នុងប្រព័ន្ធព្រមាន ៤ថ្នាក់។

ក្នុងខណៈពេលដែលការជូនដំណឹងអំពីរលកកម្ដៅកម្រិតទី១ ត្រូវបានចេញនៅពេលដែលសីតុណ្ហភាពជាក់ស្តែងខ្ពស់បំផុត ត្រូវបានគេរំពឹងថា នឹងឡើងដល់ ៣៣អង្សាសេ ឬខ្ពស់ជាងនេះ សម្រាប់រយៈពេល ២ថ្ងៃជាប់ៗគ្នានោះ ការជូនដំណឹងកម្រិតទី២ ត្រូវបានចេញនៅពេលដែលសីតុណ្ហភាពខ្ពស់បំផុត ត្រូវបានគេរំពឹងថា នឹងឡើងដល់ ៣៥អង្សាសេ ឬខ្ពស់ជាងនេះ។

គួរបញ្ជាក់ថា ទីក្រុងសេអ៊ូលដែលបានឃើញការព្រមានអំពីរលកកម្ដៅជាលើកដំបូងរបស់ខ្លួនប្រចាំឆ្នាំដែលបានចេញផ្សាយ កាលពីថ្ងៃទី១៩ ខែមិថុនា មើលឃើញសីតុណ្ហភាពពេលថ្ងៃឡើងដល់ ៣៥អង្សារសេ។ ទីក្រុង Gangneung របស់ខេត្ត Gangwon បានជួបប្រទះជាមួយយប់ត្រូពិចមួយទៀត ដោយគេរំពឹងថា សីតុណ្ហភាពពេលថ្ងៃ នឹងឡើងដល់ ៣៦អង្សាសេ។

រដូវមូសុងបានចាប់ផ្តើមនៅលើកោះ Jeju ខណៈដែលតំបន់ដែលរងផលប៉ះពាល់យ៉ាងខ្លាំងរបស់កោះនេះមានភ្លៀងធ្លាក់កម្រិតពី ៣០ ទៅ ៥០មីលីម៉ែត្រ ក្នុង ១ម៉ោង គិតត្រឹមម៉ោង ៤រសៀល នៅថ្ងៃទី២០ ខែមិថុនានេះ។ តំបន់ផ្សេងទៀតនៅលើកោះនេះ មានភ្លៀងធ្លាក់កម្រិតពី ២០ ទៅ ៣០មីលីម៉ែត្រ ក្នុង ១ម៉ោង៕