ជាលើកដំបូង ដែលលោក Eliran Mizrahi បានរងរបួសនៅតំបន់ហ្កាហ្សា លោកបានបដិសេធមិនចាកចេញពីសមរភូមិ។ ទាហានបម្រុងរូបនេះ ចង់បន្តការពារប្រទេសរបស់ខ្លួន និងការស្វែងរកចំណាប់ថ្នូរ ដែលបាត់ខ្លួន។

នៅពេលដែលលោក បានរងរបួសជាលើកទី២ ក្នុងអំឡុងពេល ៧ខែរបស់ខ្លួន នៅក្នុងសង្រ្គាមទីក្រុងដ៏ ធ្ងន់ធ្ងរ លោកត្រូវបានវេជ្ជបណ្ឌិតប្រាប់ថា លោកមិនអាចត្រឡប់ទៅសមរភូមិខាងមុខបានទេ មួយផ្នែកដោយសារតែជំងឺស្ត្រេសក្រោយការប៉ះទង្គិចផ្លូវចិត្ត (PTSD)របស់ខ្លួន។

ប៉ុន្តែការហៅទូរស័ព្ទជាបន្ទាន់មួយ បានកើតឡើងម្តងទៀតកាលពីសប្តាហ៍មុនសម្រាប់វិស្វករ ដែលបានចាប់ផ្តើមសង្រ្គាមជាមួយនឹងភារកិច្ចបោសសម្អាតសាកសពចេញពីកន្លែងនៃពិធីបុណ្យតន្ត្រី Nova។

មុនពេលគាត់ អាចត្រូវបានគេដាក់ពង្រាយ ឪពុកមានអាយុ៤០ឆ្នាំ ដែលមានកូន ៤នាក់ បានសម្លាប់ខ្លួន។

ករណីសោកនាដកម្មនេះ បានធ្វើឲ្យប្រទេសមួយ មានការភ្ញាក់ផ្អើលយ៉ាងខ្លាំង ដែលឥឡូវនេះ មនុស្សជាច្រើន កំពុងចាប់ផ្តើមចោទសួរពីទិសដៅនៃយុទ្ធសាស្ត្រសង្រ្គាមរបស់រដ្ឋាភិបាល ខណៈដែលជម្លោះនៅតំបន់ហ្កាហ្សា បានឈានចូលដល់ខែទី៩របស់ខ្លួន ដោយមិនមានផែនការច្បាស់លាស់នៅ «ថ្ងៃបន្ទាប់» ហើយក៏ដូចជាការស្លាប់ និងរបួស ក្នុងចំណោមកងកម្លាំងការពារ ដែលធ្វើការងារច្រើនហួសបន្ទុកនោះ។

កំហឹង បានពុះកញ្ជ្រោលពេញតាមដងផ្លូវ ដែលដឹកនាំដោយម្តាយរបស់ទាហានដែលកំពុងបម្រើការងារ     ខណៈដែលផែនការសង្គ្រាម កំពុងបរាជ័យ ហើយការក្តោបកាប់អំណាចរបស់នាយករដ្ឋមន្ត្រី កាន់តែមិនច្បាស់លាស់។