ពលរដ្ឋដែលរស់នៅក្នុងមូលដ្ឋានសង្កាត់វាលវង់ ខណ្ឌ៧មករាជាង៦០០នាក់ បានទទួលអំណោយរបស់សប្បុរសធម៌ របស់លោកឧកញ៉ា ចិត្រ សេរីសុភ័ក្រ្ត និងលោកជំទាវ។

នៅព្រឹកថ្ងៃទី២២ ខែមិថុនា ឆ្នាំ២០២៤នេះ លោក សេង ជី ចៅសង្កាត់វាលវង់ និងលោកវរសេនីយ៍ត្រី អ៊ុន ភារម្យ នាយនគរបាលប៉ុស្តិ៍វាលវង់ ធ្វើការចែកអំណោយរបស់លោកឧកញ៉ា ចិត្រ សេរីសុភ័ក្រ្ត និងលោកជំទាវ ចែកជូនដល់ពលរដ្ឋ ជាង៦០០នាក់ រស់នៅក្នុងមូលដ្ឋានសង្កាត់។

ពិធីនេះដោយមានការយកចិត្តទុកដាក់ពី អាជ្ញាធរមូលដ្ឋាន គិតគូដល់ប្រជាពលរដ្ឋ ចាស់ជរា និងមានភាពខ្វះខាត ចែកជូននៅអំណោយរបស់សប្បុរសធម៌ ដល់ពលរដ្ឋ ក្នុងម្នាក់ៗ ទទួលបានរួមមានថវិកាមួយចំនួន និងអាហារសម្រន់ ការហ្វេ បាយប្រអប់ នំចំណី ជាដើម។

ក្នុងពិធីនេះដែរលោក សេង ជី ចៅសង្កាត់វាលវង់ បានលើកឡើងផងដែរ ក្នុងនាមអាជ្ញាធរមូលដ្ឋាន​តែងគិតគូពីសុខទុករបស់បងប្អូនប្រជាពលរដ្ឋ នៅក្នុងមូលដ្ឋានជារឿងសំខាន់ ដោយមានការណែនាំ​ពីថ្នាក់ដឹកនាំ គ្រប់លំដាប់ថ្នាក់​ មិនត្រូវទុកឲ្យពលរដ្ឋណាម្នាក់លំបាក រស់នៅដោយអត់អាហារ​នោះនោះឡើយ។ នេះសបញ្ជាក់ថា ស្ថិតនៅក្រោមម្លប់សន្តិភាព និងកាយវិការរបស់ លោកឧកញ៉ា ចិត្រ សេរីសុភ័ក្រ្ត និងលោកជំទាវ តែងតែផ្ដល់សប្បុរសធម៌ ​ដល់ប្រជាពលរដ្ឋ ដែលខ្វះខាត ជាប្រចាំផងដែរ។

ជាចុងក្រោយលោកចៅសង្កាត់វាលវង់សូមថ្លែងអំណរអរគុណដល់​ ម្ចាស់សប្បុរសធម៌ ផ្ដល់​នៅអំណោយចែកជូនដល់ប្រជាពលរដ្ឋ នៅក្នុងសង្កាត់វាលវង់ ខណ្ឌ៧មករា៕អត្ថបទ៖ កុម្ភៈ