សកម្មជនអាកាសធាតុ ប្រមាណ១២នាក់ មកពីក្រុមប្រឆាំងនឹងការផុតពូជ បាន​បិទ​ចរាចរណ៍​នៅ​ជិត​សាលា​ក្រុងប៉ារីស កាលពីថ្ងៃសៅរ៍ ដើម្បីតវ៉ានឹងផលប៉ះពាល់សង្គម និងបរិស្ថាន​ពី​ការ​ប្រកួត​កីឡាអូឡាំពិក ។

ដោយស្លៀកសម្លៀកបំពាក់កីឡា និងធ្វើត្រាប់តាមព្រឹត្ដិការណ៍កីឡាអូឡាំពិក ដូចជារត់ និង ជិះក្តារ​ស្គី។ ក្រុមតវ៉ានិយាយថា អ្នករៀបចំព្រឹត្តិការណ៍កីឡាប៉ារីស ឆ្នាំ២០២៤នេះ បានដើរ​ចេញ​ពី​ការ​សន្យា​របស់ពួកគេពីការទប់ស្កាត់ការបញ្ចេញជាតិកាបូនទៅក្នុងអាកាស ដោយសារ​តែបំ​ផ្លាញ​សួន​ឧទ្យាន និងសួនច្បារដើម្បីធ្វើផ្លូវ សម្រាប់ព្រឹត្ដិកាណ៍កីឡាអូឡាំពិកនោះ។

ក្រុមសកម្មជន ក៏បានប្រឆាំងផងដែរ ទៅនឹង ការប្រមូលផ្ដុំរបស់ជនអន្ដោប្រវេសន៍ខុសច្បាប់ និង​ការ​បោសសម្អាតអ្នកអង្គុយតាមទីសាធារណ: និងជំរំអ្នកគ្មានផ្ទះសម្បែងនៅជុំវិញក្រុងប៉ារីស។

កីឡា​អូឡាំពិក នឹងចាប់ផ្ដើមពីថ្ងៃទី២៦មិថុនា ដល់ថ្ងៃទី១១សីហា ចំណែក​ព្រឹត្តិការណ៍​ប៉ារ៉ា​ឡាំពិក នឹងចាប់ពីថ្ងៃទី២៨សីហា ដល់ថ្ងៃទី ៨កញ្ញា ៕