ឯកឧត្តម ឧត្តមសេនីយ៍ទោ ស៊ុំ សំណាង មេបញ្ជាការបញ្ជាការដ្ឋានទ័ពពិសេសផ្តល់ជូន​គ្រួសារ​កងទ័ព នៃបញ្ជាការដ្ឋានទ័ពពិសេស កងទ័ពជើងគោក នៅព្រឹកថ្ងៃទី ២៣ ខែមិថុនា ឆ្នាំ២០២៤ បាន​នាំយកអំណោយរបស់សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ទៅចែក​ជូន​ដល់​គ្រួសារកងទ័ពចំនួន ៣៣៥ គ្រួសារ នៅទីបញ្ជាការ បញ្ជាការដ្ឋានទ័ពពិសេសកំបូល។

បើតាមរបាយការរបស់លោក គង់ គុណ មេភូមិគ្រួសារកងទ័ពបានឱ្យដឹងថា ភូមិគ្រួសារ​កង​ទ័ព​ដែល​មាន​ទីតាំងស្ថិតនៅភូមិតាកេរ្តិ៍ថ្មី សង្កាត់កំបូល ខណ្ឌកំបូល មានគ្រួសារកងទ័ពរស់នៅចំនួន ៧៧៣​នាក់ ក្នុងនោះនារី ៥៨៩នាក់ បុរស ១៤៨នាក់។ គ្រួសារដែលត្រូវ​បា​ន​ទទួល​អំណោយ​របស់​សម្តេចមហាបវធិបតី ហ៊ុន ម៉ាណែត និងលោកជំទាវបណ្ឌិត ពេជ្រ ច័ន្ទមុន្នី នាពេលនេះ​មាន​ចំនួន ៣៣៥គ្រួសារ បួករួមទាំងគ្រួសារកងទ័ពដែលឈជើងនៅទិសប្រាសាទព្រះវិហារ ៩០​គ្រួសារ​ផង។

ឯកឧត្តម ស៊ុំ សំណាង បានពាំនាំនូវការផ្ដាំផ្ញើសាកសួរសុខទុក្ខ ពីសំណាក់សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ច័ន្ទមុន្នី ដែលលោក​ទាំង​ទ្វេតែ​ង​តែ​ព្រួយ​បារ​ម្ភ​ពី​សុខទុក្ខ ននិងជីវភាពរស់នៅរបស់បងប្អូន កងទ័ព គ្រួសារកងទ័ព និងប្រជា​ពលរដ្ឋ​នៅ​គ្រប់​ពេល​វេលា ​និងនៅគ្រប់ទីកន្លែង ហើយបានសំណូមពរដល់បងប្អូនទាំងអស់ ត្រូវថែទាំសុខភាព រស់​នៅ​ស្អាត មានអនាម័យ ដើម្បីជៀសផុតពីជម្ងឺផ្សេងៗ និងត្រូវខិតខំ​ប្រកបរបរ​រក​ទទួល​ទាន​ដោយ​សុចរិត​ទៀងត្រង់ ព្រមទាំងខិតខំបង្កបង្កើនផលដាំដំណាំ ចិញ្ចឹមសត្វ ដើម្បីដោះស្រាយ​ជីវភាព​ប្រចាំ​ថ្ងៃ ឲ្យបានល្អប្រសើរ និងត្រូវចូលរួមអនុវត្ត ឱ្យបានជោគជ័យនូវគោល នយោបាយភូមិ.ឃុំ មាន​សុវត្ថិភាព របស់រាជរដ្ឋាភិបាល ដោយត្រូវជៀសវាងឲ្យឆ្ងាយពីគ្រឿងញៀន និងត្រូវ​អប់រំ​កូន​ចៅ​កុំ​ឲ្យក្លាយខ្លួនជាក្មេងទំនើង ដែលនាំឲ្យប៉ះពាល់ដល់កិត្តិយសគ្រួសារ និងសន្តិសុខ សណ្តាប់​ធ្នាប់​ក្នុងសង្គមជាតិយើង ។

នៅក្នុងឱកាសនោះ ឯកឧត្តម ស៊ុំ សំណាង រួមជាមួយឯកឧត្តម យិន ជំនិត និងក្រុម​ការងារ​ខណ្ឌ​កំបូល​បាន​ចែកអំណោយរបស់សម្តេចមហាបវធិតី ហ៊ុន ម៉ាណែត និងលោកជំទំាវបណ្ឌិត ពេជ្រ ច័ន្ទមុន្នី ជូនគ្រួសារកងទ័ពទាំង ៣៣៥គ្រួ សារ ក្នុង១គ្រួសារទទួលបាន អង្ករ១កូនបេ ទឹកត្រី១​យួរ ទឹកស៊ីអ៊ីវ១យួរ មី១កេះ ធីក១កញ្ចប់ និងថវិកា ២ម៉ឺនរៀល៕