វិស័យឯកជនកំពុងចូលរួមយ៉ាងសកម្មជាមួយរាជរដ្ឋាភិបាល ជាពិសេសការប្រើប្រាស់បច្ចេកវិទ្យា ក្នុងការជំរុញអភិវឌ្ឍន៍សហគ្រាស ធុនមីក្រូ តូច និងមធ្យម ដើម្បីធ្វើឲ្យកាន់តែប្រសើរឡើង និង​ចូលរួម​ចំណែក​លើកកម្ពស់សេដ្ឋកិច្ចជាតិស្រប​តាមចក្ខុវិស័យ នៃ​ការ​ជំរុញ​ឱ្យ​ក្លាយ​ទៅ​ជា​ឆ្អឹងខ្នង​នៃសេដ្ឋកិច្ចពិតប្រាកដ។

ឧកញ៉ា ស៊ិន ចន្ធី អនុប្រធានសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) លើកឡើងក្នុងកិច្ចសម្ភាសន៍ ជាមួយភ្នាក់ងារអ្នកយកព័ត៌មាន ស្តីពីការអភិវឌ្ឍ​សហគ្រាសធុនតូច និងមធ្យម នេះថា ជុំវិញសហគ្រាសធុនតូច និងមធ្យមនេះ គឺជាមូលដ្ឋាន​ដ៏​សំខាន់​មួយស​ម្រាប់​អភិវឌ្ឍន៍​សេដ្ឋកិច្ចជាតិ និងសង្គម ពីព្រោះវិស័យនេះមានលក្ខណៈអន្តរសកម្មភាពច្រើន ងាយ បត់​បែន និងសម្របខ្លួនបានយ៉ាងឆាប់រហ័សទៅតាមកាលៈទេសៈនៃការអភិវឌ្ឍបច្ចេកវិទ្យា ជាក់​ស្តែង​នា​ពេល​កន្លងមកនេះ FASMEC បានធ្វើការជាច្រើន ជាពិសេសនាលទ្ធផលចុងក្រោយនេះ FASMEC បានបើកសិក្ខាសាលាស្ដីពី “ការអភិវឌ្ឍន៍អាជីវកម្មក្រោយបរិបទ កូវីដ-១៩”​ជូន​សមាជិក​សមាជិកាគ្រប់បណ្តារាជធានី-ខេត្ត ដើម្បីផ្តល់ជាចំណេះដឹង និងអត្ថប្រយោជន៍​ដល់​សហ​គ្រាស​ធុនតូច និងមធ្យម ទទួលបានូវព័ត៌មានទាក់ទងនឹងច្បាប់បញ្ញាតិនានា ក្រុមហ៊ុន និង​ធនាគារ​ដៃគូ​រជាដើម។

ឧកញ៉ា បន្តថា ដើម្បីភាពរីកលូតលាស់នៅក្នុងការធ្វើអាជីវកម្ម រាជរដ្ឋាភិបាលនៅក្នុងអណត្តិថ្មីនេះ ក្នុង​យុទ្ធសាស្រ្តបញ្ចា កោណដំណាក់កាលទី១ បញ្ចាកោណទី៥ នៃការអភិវឌ្ឍន៍សេដ្ឋកិច្ច និង​សង្គម​ឌីជីថល, ជាក់ស្តែងមកដល់បច្ចុប្បន្នការអភិវឌ្ឍន៍បច្ចេក វិទ្យាឌីជីថល បាន​កំពុង​ដើរ​ដល់​របត់​ថ្មី​មួយទៀត នៃការប្រើប្រាស់បញ្ញាសិប្បនិម្មិត Ai, ដែលបញ្ហានេះ លោកឧកញ៉ា ចង់​ឲ្យ​សមាជិក របស់ FASMEC គួរសិក្សាស្វែងយល់បន្ថែមតាម Ai, ជាពិសេសកម្មវិធី Rean-Ai ដើម្បី​ជា​ប្រយោជន៍សម្រាប់ជំនួយក្នុងអាជីវកម្ម។

ជុំវិញ Ai នេះ, លោកបណ្ឌិត ឡាយ គីរី ស្ថាបនិកបង្កើតប្រព័ន្ធបច្ចេកវិទ្យា Ai លើកឡើងថា បញ្ញា​សិ​ប្បកម្មិត Ai វាគឺជាប្រព័ន្ធ មួយ អាចជួយដោះស្រាយបញ្ហារបស់មនុស្ស និង​ធ្វើ​សកម្មភាព​ដូច​មនុស្ស​។ ដូច្នេះ Ai អាចធ្វើឲ្យយើងទទួលបានផលប្រយោជន៍ មានទំនាក់នង់កាន់តែកាន់តែល្អ និង​ធ្វើឲ្យកិច្ចការងារកាន់តែរលូន ។ ជាក់ស្តែងនាពេលកន្លងមក ក្រុមហ៊ុនមួយ​ចំនួ​នតែង​តែ​ជួល​អ្នក ជំនាញដើម្បីមកប្រឹក្សាយោបល់ ជំរុញការអភិវឌ្ឍន៍អាជីវកម្មឲ្យកាន់តែប្រសើរ។ ប៉ុន្តែ​ក្នុង​បរិបទ​រីកចម្រើននេះ ម្ចាស់អាជីកម្មអាចសិក្សា ស្រាវជ្រាវធ្វើដោយខ្លួនឯង តាមរយៈ​ប្រព័ន្ធ​បច្ចេក​វិទ្យា Ai ជាពិសេសតាមកម្មវិធី Rean-Ai អាចម្ចាស់អាជីវកម្មបីដូចកំពុងទទួលបាន អ្នក​ពិគ្រោះ​ក្នុង​ការ​ធ្វើអា​ជីវកម្ម ក្នុងការឈានទៅអភិវឌ្ឍន៍អាជីវកម្មរបស់អស់លោកអ្នកកាន់តែរីកចម្រើន។

ជុំវិញវិស័យសហគ្រាសធុនតូច និងមធ្យមនេះដែរ, ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និង​និវានុវត្តន៍ នឹងបន្តរៀបចំសេចក្តី ព្រាងអនុក្រិត្យ ស្តីពីការបង្កើត និងគ្រប់គ្រង់​តំបន់​ប្រមូល​ផ្តុំ​សហគ្រាស​ធុនតូច និងមធ្យម (SME Cluster) ដើម្បីទាក់ទាញវិនិយោគិន ថ្មីៗ ជាពិសេសក្នុ​ងវិ​ស័យ​បច្ចេក​វិទ្យា និងបង្កើតប្រព័ន្ធប្រទាក់ក្រឡា ទ្រទ្រង់គ្នាទៅវិញទៅមក រវាងសហគ្រាសធុនតូច និង​មធ្យម និងការវិនិយោគពីបរទេស ជាពិសេសការបង្កើតមជ្ឈមណ្ឌលគាំទ្រធុរកិច្ច និង SMEs ក្នុង​ការ​ចាប់យកឌីជីថល សំដៅចូលរួមបណ្តុះ ផ្នត់គំនិតសហគ្រិនភាព និងលើកកម្ពស់​ការ​ប្រើ​ប្រាស់ និងការចាប់បច្ចេកវិទ្យាឌីជីថលក្នុងអាជីវកម្ម ដើម្បីប្រសិទ្ធភាពក្នុងប្រតិបត្តិការ អាជីវកម្ម ក្នុង​គោលដៅជំរុញវិស័យនេះឲ្យក្លាយទៅជាឆ្អឹងខ្នងនៃសេដ្ឋកិច្ចពិតប្រាកដ៕ អត្ថបទ៖ សុន រ៉ាឌី